2 Bakyabazinga 8:25 - Baibuli Ekibono kya Katonda 2014

²⁵ Mu mwaka ogweikumi n'ebiri (12) nga Kyabazinga Yoramu mutabane wa Ahabu n'afuga Isiraeli, Ahazia mutabane wa Yehoramu yaafuuka kyabazinga wa Buyudaaya.

2 Bakyabazinga 8:25 ပူးပေါင်းရင်းမြစ်များ

2 Bakyabazinga 9:29

Ahazia oyo yali nga yafuuka kyabazinga wa Buyudaaya mu mwaka ogweikumi n'omulala (11) nga kyabazinga Yoramu mutabane wa Ahabu n'afuga Isiraeli.

1 Ebyomubyanda 3:11

Yehoshafati yaazaala Yoramu, Yoramu yaazaala Ahazia, Ahazia yaazaala Yoashi,

2 Ebyomubyanda 21:20

Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

2 Ebyomubyanda 22:1

Agho abantu b'omu Yerusalemu baataagho Ahazia, asembayo obuto mu batabane ba Yehoramu, yaasikira ise ku bwakyabazinga kuba ekikunsu eky'abalwani abaidha n'Abawarabu okulumba, kyali kimaze okwita abaana ba Yehoramu oyo abakulu boonaboona. Kale Ahazia mutabane wa Yehoramu kyabazinga wa Buyudaaya, yaatoolera okufuga.