2 Bakyabazinga 8:24 - Baibuli Ekibono kya Katonda 2014

²⁴ Kale Yehoramu yaafa yeeyimba ku badhaadha be abaafa, era yaaziikibwa mu lwambiidhi ni badhaadha be abo, mu kyetebwa Ekibuga kya Daudi. Mutabane we Ahazia yaamusikira ku bwakyabazinga.

2 Bakyabazinga 8:24 ပူးပေါင်းရင်းမြစ်များ

1 Bakyabazinga 11:43

Agho Solomoni oyo yaafa yeeyimba ku badhaadha be abaafa, yaaziikibwa mu kyetebwa Ekibuga kya Daudi lata we. Mutabane we Rehoboamu yaamusikira ku bwakyabazinga.

1 Bakyabazinga 14:20

Yeroboamu oyo yafugira emyaka amakumi abiri, yaafa, yeeyimba ku badhaadha be abaafa. Agho mutabane we Nadabu yaamusikira ku bwakyabazinga.

1 Bakyabazinga 14:31

Rehoboamu yaafa, yeeyimba ku badhaadha be abaafa. Yaaziikibwa mu lwambiidhi lwa badhaadha be abo, mu kyetebwa Ekibuga kya Daudi. Inhina wa Rehoboamu yali ng'ayetebwa Naama, era nga Muammoni. Mutabane wa Rehoboamu oyo eyayetebwanga Abiyamu, n'eyasikira ise oyo ku bwakyabazinga.

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

2 Bakyabazinga 10:13

yaayagaanana n'ab'endhu ya Ahazia eyali kyabazinga wa Buyudaaya. Yaababuuza ati: “Niimwe baani?” Baamwiramu bati: “Ife tuli ba ndhu ya Ahazia. Tuli kuja Yezireeli okulamusa ku baana ba Yezebeli inhebantu, era n'abalangira n'abambeedha abandi.”

2 Bakyabazinga 14:20

Omulambo gwe baaguleetera ku mbalaasi, baamuziika mu Yerusalemu mu lwambiidhi lwa badhaadha be, mu kyetebwa Ekibuga kya Daudi.

2 Bakyabazinga 15:38

Agho Yothamu yaafa yeeyimba ku badhaadha be abaafa, era yaaziikibwa mu badhaadha be abo, mu kyetebwa Ekibuga kya Daudi dhaadha we. Mutabane we Ahazi yaamusikira ku bwakyabazinga.

2 Bakyabazinga 16:20

Agho Ahazi yaafa yeeyimba ku badhaadha be abaafa, era yaaziikibwa mu badhaadha be abo mu kyetebwa Ekibuga kya Daudi. Mutabane we Hezekia yaamusikira ku bwakyabazinga.

2 Bakyabazinga 8:23

Ebindi byonabyona Yehoramu bye yakola, byaghandiikibwa mu Kitabo ky'Ebyomubyanda bya Bakyabazinga ba Buyudaaya.

2 Bakyabazinga 9:28

Abagheereza be baamutwalira mu kigaali eky'omu lutalo, baamwizaayo e Yerusalemu. Baamuziika mu magombe ge mu lwambiidhi lwa badhaadha be, mu kyetebwa Ekibuga kya Daudi.

1 Ebyomubyanda 3:11

Yehoshafati yaazaala Yoramu, Yoramu yaazaala Ahazia, Ahazia yaazaala Yoashi,

2 Ebyomubyanda 21:1

Agho Yehoshafati oyo yaafa, yeeyimba ku badhaadha be abaafa, era yaaziikibwa mu lwambiidhi lwa badhaadha be abo, mu kyetebwa Ekibuga kya Daudi. Mutabane we Yehoramu yaamusikira ku bwakyabazinga.

2 Ebyomubyanda 21:17

Baalumba ensi Buyudaaya baagighangula, baanhaga ebintu byonabyona mu kisaagaati kya kyabazinga. Baanhaga ni bakazi be, n'abaana be boonaboona, okutoolaku Yehoahazi omwana we omulenzi nkoma.

2 Ebyomubyanda 21:20

Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

2 Ebyomubyanda 21:7

Aye Musengwa Katonda yaaloba kwenda kuzikiriza bantu ba ndhu ya Daudi kubamaliriragho, kuba yasuubiza omugheereza we Daudi oyo ati eizaire lye n'erinaafuganga obwakyabazinga obwo ebyanda n'ebyanda.

2 Ebyomubyanda 22:1

Agho abantu b'omu Yerusalemu baataagho Ahazia, asembayo obuto mu batabane ba Yehoramu, yaasikira ise ku bwakyabazinga kuba ekikunsu eky'abalwani abaidha n'Abawarabu okulumba, kyali kimaze okwita abaana ba Yehoramu oyo abakulu boonaboona. Kale Ahazia mutabane wa Yehoramu kyabazinga wa Buyudaaya, yaatoolera okufuga.

2 Ebyomubyanda 22:6

Kyabazinga Yoramu oyo, yairayo e Yezireeli amale okuwona ebibwa Abasiria bye baamufumitira e Rama ng'alwanisa kyabazinga Hazaeli owa Siria. Agho kyabazinga Ahazia mutabane wa Yehoramu kyabazinga wa Buyudaaya, yaajaayo okumubona obulwaire.

2 Ebyomubyanda 25:23

Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu, era Yehoashi oyo yaamenha ekimante ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri.