2 Bakyabazinga 8:19 - Baibuli Ekibono kya Katonda 2014

¹⁹ Aye Musengwa Katonda yaaloba kuzikiriza Buyudaaya, kuba yasuubiza omugheereza we Daudi ati eizaire lye n'erinaafuganga obwakyabazinga obwo ebyanda n'ebyanda.

2 Bakyabazinga 8:19 ပူးပေါင်းရင်းမြစ်များ

2 Samueli 21:17

Aye Abishai mutabane wa Zeruia yaidha yaayamba Daudi, yaalumba Omufilisiti oyo yaamwita. Agho abasaadha ba Daudi baamulayirira bati: “Iwe oli ng'oti itaala lya Isiraeli, kale tokairayo kuja n'ife mu lutalo, tiikulwa ng'eitaala eryo lizima.”

2 Samueli 7:15

Aye tija kukomya kumugonzanga, nga bwe nakomya okugonza Saulo, ye natoolagho memale iwe oiregho.

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

1 Bakyabazinga 11:12

Aye ku lwa lata wo Daudi, ekyo tiidha kukikola ng'okaali mulamu, ndikikola ng'omwana wo n'afuga.

1 Bakyabazinga 11:13

Ate era tirimutoolaku bwakyabazinga bwonabwona, aye ndimulekeragho ekika kirala ku lwa Daudi omugheereza wange, ni ku lwa Yerusalemu, ekibuga kye nalonda okuba ekyange.”

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

2 Bakyabazinga 11:2

Aye Yehosheba mughala wa kyabazinga Yoramu era nga mwanhina Ahazia, yaawoniagho Yoashi omulala ku batabane ba Ahazia oyo. Yamutoola mu balangira abaali baja okwitibwa ng'amwibagho bwibe, yaaja yaamugisa ghalala n'omulezi we mu kisenge ekisulwamu, mu nsambo eyo yaamuwonia Athalia okumwita.

2 Bakyabazinga 19:34

Ndidha kulwanirira ekibuga kino, nkikuume olw'ekitiibwa kyange, ni ku olw'omugheereza wange Daudi.’ ”

2 Ebyomubyanda 21:7

Aye Musengwa Katonda yaaloba kwenda kuzikiriza bantu ba ndhu ya Daudi kubamaliriragho, kuba yasuubiza omugheereza we Daudi oyo ati eizaire lye n'erinaafuganga obwakyabazinga obwo ebyanda n'ebyanda.

Zabbuli 132:10

Wo Musengwa Katonda, kola nga bwe wasuubiza omugheereza wo Daudi; otamusuula ere oyo kyabazinga ye walonda.

Zabbuli 132:17

Omwo mwe nditoola kyabazinga, nga wa ku nda ya Daudi; omulonde wange oyo afugenga nga ninze mmukuuma.

Isaia 37:35

Ndidha kulwanirira ekibuga kino nkikuume, ku lwange ni ku lw'omugheereza wange Daudi.’ ”

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Hosea 11:9

Tiribamaliraku busungu bwange obubitirivu, tiriirayo kabiri kubazikiriza; kuba nze ndi Katonda, se ti muntu buntu. Ninze Omutukuvu ali mu imwe, era tiribazikiriza.