2 Bakyabazinga 8:15 - Baibuli Ekibono kya Katonda 2014

¹⁵ Aye ku lunaku olwairirira, Hazaeli yaatoola ekyebwiko, yaakiinhika mu maadhi, yaakisemba mu nhindo ni mu kanwa mwa kyabazinga Benihadadi, yaafa ekiziyiro. Agho Hazaeli yaasikira Benihadadi ku bwakyabazinga bwa Siria.

2 Bakyabazinga 8:15 ပူးပေါင်းရင်းမြစ်များ

1 Bakyabazinga 15:28

Yamwita mu mwaka ogwokusatu ogwa kyabazinga Asa nga n'afuga Buyudaaya. Kale Baasha yaasikira Nadabu oyo ku bwakyabazinga bwa Isiraeli.

1 Bakyabazinga 16:10

Zimuri yaingira, yaamufumita yaamwita. Agho Zimuri oyo yaamusikira ku bwakyabazinga, mu mwaka ogwamakumi abiri n'omusanvu (27) ogwa kyabazinga Asa nga n'afuga Buyudaaya.

1 Bakyabazinga 16:18

Zimuri bwe yabona ng'ekibuga bakighambye, yaingira mu kifo eky'okwewogomamu eky'omu kisaagaati kya kyabazinga. Agho yaakunaania ku kisaagaati ekyo omuliro, ni mwene yeeyokeramu, yaafa.

1 Bakyabazinga 19:15

Musengwa Katonda yaamukoba ati: “Irayo mu irungu ery'e Damasiko. Bw'onaatuukayo, oidha kusiiga Hazaeli omuzigo afuuke kyabazinga wa Siria,

2 Bakyabazinga 15:25

Agho omuduumizi ow'eigye lye ayetebwa Peka, mutabane wa Remalia, yaakola olukwe n'abasaadha amakumi ataanu abaava e Gileadi, yaamwitira e Samaria mu kifo eky'okwewogomamu eky'omu kisaagaati kya kyabazinga. Olwo Peka oyo yaafuuka kyabazinga mu kifo kya Pekahia.

2 Bakyabazinga 15:30

Mu mwaka ogwamakumi abiri (20) nga kyabazinga Yothamu mutabane wa Uzzia n'afuga Buyudaaya, Hoshea mutabane wa Ela yaakola olukwe, yaafumita Peka mutabane wa Remalia, yaamwita. Olwo Hoshea oyo yaafuuka kyabazinga mu kifo kye.

2 Bakyabazinga 8:10

Elisha yaamwiramu ati: “Iwe ja omukobe oti, ‘Bwenebwene oidha kuwona.’ Aye mu butuufu nze Musengwa Katonda andholeike ng'aidha kufa.”

2 Bakyabazinga 8:13

Hazaeli yaabuuza ati: “Katyo nze omugheereza wo ndi ng'embwa obubwa, ndisobola ntya okukola ekyaga agho?” Elisha yairamu ati: “Musengwa Katonda andholeike ng'oliba kyabazinga wa Siria.”

2 Bakyabazinga 8:28

Kyabazinga Ahazia oyo yaja mu lutalo ni kyabazinga Yoramu owa Isiraeli mutabane wa Ahabu, okulwanisa kyabazinga Hazaeli owa Siria. Olutalo olwo lwataamira e Ramothi Gileadi, Abasiria baafumitira eyo Yoramu ebibwa.

2 Bakyabazinga 9:24

Yehu yaadhuumuula akalaso ke n'amaani ge goonagoona, yaalasa Yoramu akasaale mu mugongo, kaamubita mu mutima, yaagwa mu kigaali kye eky'omu lutalo.

Zabbuli 36:4

Akola entegeka ey'okukola eby'eitima ng'ali mu buliri, yaasituka nga ghazira kirungi kye yeetegeike kukola, era ghazira kibi kimugemya ntete kukola.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Mika 2:1

Bakagwireku abantu abo ababa mu buliri bwaibwe ni bakyesa obwire nga bayiiya ebibi bye banaakola. Era obwire olukya buti nga bakola nga bwe baba bayiiyiiza.

1 Samueli 24:13

Ng'ensambo ey'abeira bw'ekoba eti, ‘Omubi n'akola ebibi’, nze tiidha kukukolaku kabi koonakoona.