2 Bakyabazinga 8:13 - Baibuli Ekibono kya Katonda 2014

¹³ Hazaeli yaabuuza ati: “Katyo nze omugheereza wo ndi ng'embwa obubwa, ndisobola ntya okukola ekyaga agho?” Elisha yairamu ati: “Musengwa Katonda andholeike ng'oliba kyabazinga wa Siria.”

2 Bakyabazinga 8:13 ပူးပေါင်းရင်းမြစ်များ

2 Samueli 9:8

Mefiboshethi yaakutama n'ekyeni kyatuuka ku itaka yaakoba ati: “Katyo nze omugheereza wo, ninze ani iwe y'olowoozaaku, nze ali ng'oti n'embwa obubwa enfu!”

1 Bakyabazinga 19:15

Musengwa Katonda yaamukoba ati: “Irayo mu irungu ery'e Damasiko. Bw'onaatuukayo, oidha kusiiga Hazaeli omuzigo afuuke kyabazinga wa Siria,

2 Bakyabazinga 13:22

Kyabazinga Hazaeli owa Siria yatuntuzanga Abaisiraeli ekiseera kyonakyona kyabazinga Yehoahazi kye yafugiramu Isiraeli.

2 Bakyabazinga 8:10

Elisha yaamwiramu ati: “Iwe ja omukobe oti, ‘Bwenebwene oidha kuwona.’ Aye mu butuufu nze Musengwa Katonda andholeike ng'aidha kufa.”

Zabbuli 22:16

Ekikuukuulu eky'abakozi ab'ebibi kineezungulwire, bali ng'oti gabwa geene. Banfumiite engalo n'ebigere.

Zabbuli 22:20

Mponia empiima, otoole obulamu bwange mu maino g'embwa edho.

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Mika 2:1

Bakagwireku abantu abo ababa mu buliri bwaibwe ni bakyesa obwire nga bayiiya ebibi bye banaakola. Era obwire olukya buti nga bakola nga bwe baba bayiiyiiza.

Matayo 7:6

“Embwa mutadhighanga bitukuvu, kuba dhisobola okubakyukira dhaabakankada. Ate amabaale ag'omughendo mutagasuuliranga mbiidhi, kuba dhiganiinirira buniinirire.

Ab'e Filippi 3:2

Mwekuume abakozi ab'ebibi abeesala omubiri, edho mbwa dheene.

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

1 Samueli 17:43

Omufilisiti yaakoba Daudi ati: “Nze ondhese mbwa, memale ondhidhire n'emiigo obwigo.” Agho yakolimira Daudi mu liina ly'emisambwa gye.