2 Bakyabazinga 8:10 - Baibuli Ekibono kya Katonda 2014

¹⁰ Elisha yaamwiramu ati: “Iwe ja omukobe oti, ‘Bwenebwene oidha kuwona.’ Aye mu butuufu nze Musengwa Katonda andholeike ng'aidha kufa.”

2 Bakyabazinga 8:10 ပူးပေါင်းရင်းမြစ်များ

Amainhama 2:17

Aye otalyanga ku kibala kya ku muti ogw'okumanha obulungi n'obubi, kuba olunaku lwene lw'olikirya, olifa.”

Amainhama 41:39

Kyabazinga yaakoba Yosefu ati: “Nga Katonda bw'akwoleike ebyo byonabyona, ezira wundi aidhi okutegeka era ow'amagezi ng'oti niiwe.

1 Bakyabazinga 22:15

Mikaia bwe yatuuka mu maiso ga kyabazinga Ahabu, kyabazinga oyo yaamubuuza ati: “Nje numbe Ramothi eky'e Gileadi, oba ntakirumba?” Mikaia yaamwiramu ati: “Ja olumbe Ramothi eky'e Gileadi, oidha kukighangula. Musengwa Katonda aidha kukikuta mu ngalo.”

2 Bakyabazinga 1:16

Eliya oyo bwe yatuuka ye kyabazinga, yaakoba kyabazinga ati: “Musengwa Katonda akoba ati, ‘Nga bwe watuma abakwenda okuja okwebuuza ku musambwa Baalizebubu ogw'Ekuroni, ng'oti se mu Isiraeli muziramu Katonda, kale ni toidha kuwona ove ku buliri okwo kw'oli, bwenebwene oidha kufa.’ ”

2 Bakyabazinga 1:4

Kale ni mukobe kyabazinga muti, Musengwa Katonda akoba ati toidha kuwona ove ku buliri okwo kw'oli, oli wa kufa.’ ” Kale Eliya yaaja.

Yeremia 38:21

Aye bw'onaaloba okweghaayo, bino n'ebija okukutuukaku Musengwa Katonda bye yandholeka mu kubonekerwa:

Ezekieli 11:25

Naakobera abaali mu bunhage ebintu byonabyona Musengwa Katonda bye yandholeka.

Ezekieli 18:13

era yaawola omuntu lwa kumufunaku magoba olwo mwene yeeyongere okuba omukombe. Bwenebwene omuntu oyo agwaniire okuba omulamu? Busa naire, tibalimulekagho nga mulamu. Alifa olw'okukola ebyenhinhalwa ebyo byonabyona, era aliba nga ni mwene eyeereeteire okufa.

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Amosi 7:1

Bino Musengwa Katonda bye yandholeka: naja okulinga nti nga mbona ekibbuututu eky'enzige dhe yali ali kutonda. Byali biseera agho eisubi ghe lisibukira nga baakamala okusalaku ery'okugha ensolo dha kyabazinga.

Amosi 7:4

Kabiri Musengwa Katonda yandholeka bino: naja okulinga nti nga mmubona ng'alikweta okwokya okw'endhuba okuli ng'oti muliro, kwidhe kubonereze abantu be. Enhandha yali emaze okwokebwa okuva ku ntobo era nga n'obukalu butooleire okuya.

Amosi 7:7

Kabiri Musengwa Katonda yandholeka bino: naja okulinga nti nga mmubona ayemereire gha kimante ekyazimbibwa nga bapimisa omugugha. Yali agemye omugugha ogupima.

Amosi 8:1

Kabiri Musengwa Katonda yandholeka bino: naja okulinga nti nga mbona ekiibo eky'ebibala ebituuse okulya.

Zekaria 1:20

Agho Musengwa Katonda yandholeka abagheesi bana.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.