2 Bakyabazinga 8:1 - Baibuli Ekibono kya Katonda 2014

¹ Elisha yali akobye omukazi Omushunami mwene mwana Elisha oyo ye yaizaamu obulamu, ati: “Kola oje n'ab'endhu yo, obone y'onaaghanga okusenga, kuba Musengwa Katonda aja kusindika endhala ku nsi emale emyaka musanvu ng'eri kuluma.”

2 Bakyabazinga 8:1 ပူးပေါင်းရင်းမြစ်များ

Amainhama 12:10

Agho endhala yaagwa mu Kanaani, Aburamu yaaja mu Misiri yaasenga eyo okumala entangama, kuba endhala yali egwire ya maani.

Amainhama 26:1

Agho endhala eyindi yaagwa mu nsi, okuleka ere eyagwa mu biseera bya Aburahamu. Isaaka yaaja eri Abimeleki, kyabazinga w'Abafilisiti mu Gerari.

Amainhama 41:25

Yosefu yaakoba kyabazinga ati: “Ow'ekitiisa Kyabazinga, ebirooto byo biri n'amakulu nga n'amalala. Katonda akwoleike by'aja okukola.

Amainhama 41:32

Ekirooto okuba eky'emikuzi ebiri kitegeeza kiti: Katonda asazeegho okukola ekintu ekyo, era nga aidha kukituukiriza mangu.

Amainhama 41:54

Era emyaka omusanvu egy'endhala gyatoolera nga Yosefu bweyakoba. Endhala yaagwa mu nsi dhoonadhoona, aye mu nsi ey'e Misiri ng'emere eriyo.

Amainhama 47:4

Twidhie okusengaku mu nsi eno, kuba mu nsi y'e Kanaani endhala eriyo nnene, era ezira isubi lya kuliisa byayo byaife. Kale ni mpegaano, tukweghembye, tuganhe tube mu kiketezo eky'e Gosheni.”

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

2 Samueli 24:13

Kale Gadi yaaja ye Daudi yaamukobera nga Musengwa Katonda bwe yamukoba. Yaamukoba ati: “Ku bisatu bino olondaku kirigha? Endhala okugwa mu nsi yo okumala emyaka esatu? Oba iwe okumala emyezi esatu ng'oli kulumuka abazigu bo abakuyiigania? Oba ekibamba okwidha mu nsi yo ni kigigoya okumala enaku eisatu? Buti dhuubiriza osalegho kye mbe ndhiremu oyo antumye.”

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:2

Kale Eliya yaaja yeeyoleka y'Ahabu. Olwo endhala yali eri kuluma inho mu Samaria.

2 Bakyabazinga 4:18

Lwali lulala omwana oyo ng'akuze, yaaja ye ise mu isamba ye yali n'abakunguzi b'emere.

2 Bakyabazinga 4:36

Elisha yaayeta Gehazi, yaamukoba ati: “Yeta Omushunami oyo.” Gehazi yaamweta. Era omukazi bwe yaidha, Elisha yaamukoba ati: “Omwana wo wuuyo.”

2 Bakyabazinga 4:38

Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 7:20

Mu nsambo eyo ekyo kyatuukirira, kuba abantu baamutyankirira ng'ali mu mulyango, yaafa.

2 Bakyabazinga 8:2

Kale omukazi oyo yaasituka, yaakola ng'omuntu wa Katonda bwe yamukoba. Yaaja n'ab'endhu ye, yaasenga mu nsi ey'Abafilisiti okumala emyaka musanvu.

Zabbuli 105:16

Bwe yabaleetera endhala okugwa mu nsi mwe baali, n'ababuzaaku kiisi kantu koonakoona akasobola okuliibwa,

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Yeremia 25:29

kuba bona, nja kusookera mu kibuga kyange mwene okukola akabi. Balowooza bati beene baliwona okubonerezebwa? Busa, tibaliwona kubonerezebwa naire, kuba nja kusindika olutalo ku bantu boonaboona ab'oku nsi. Nze Musengwa Katonda Afuga Amagye, ninze nkobye.’

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Amosi 4:6

“Ninze eyabasindikira endhala mu bibuga byaimwe byonabyona, emere yaabula buli ghantu woonawoona. Aye era mwaloba okwira ye ndi.

Haggai 1:11

Ndeeteire endoboozi okugwa mu nsi eno: egwe ku nsozi dhaayo, ni ku nimiro dhaayo edh'engaano, n'edh'emizabbibu, n'edh'emiti emyoliva, ni ku birime byonabyona. Era egwe ni ku bantu, ni ku nsolo, ni ku ebyo byonabyona bye mukola.”

Luka 21:11

Ghalibaagho musisi ow'amaani, ghaabaagho endhala n'endwaire ya kawumpuli mu biketezo kamaala, era ghabaagho ebitiisa n'obumanhiso obw'amaani okuva mu igulu.

Luka 21:22

kuba edho n'edhiriba enaku edh'okubonereza n'okutuukiriza ebyaghandiikibwa byonabyona.

Luka 4:25

“Aye mbakobera mu butuufu bwene: Mu byanda bya Eliya, banamwandu baali kamaala mu Isiraeli eigulu bwe lyesiba emyaka esatu n'emyezi omukaaga, endhala ey'amaani n'egwa mu nsi woonawoona.

Ebikolwa by'Abatume 11:28

Owundi ku abo, eriina lye Agabo, yaasituka mu maani ga Mwoyo yaalanga ati: “Ghaja kubaagho endhala ey'amaani mu nsi yoonayoona.” Endhala eyo yaligho mu bufuzi bwa Kilaudio.

Ruthi 1:1

Eira einho, ensi Isiraeli ng'efugibwa balamuzi, endhala yagwa mu nsi eyo Isiraeli. Ghaabaagho omusaadha ow'e Bethelehemu eky'omu Buyudaaya, yaalumuka mu nsi eyo Isiraeli yaaja yaasenga mu nsi Moabu. Yaja ni mukazi we ni batabane baibwe babiri.