2 Bakyabazinga 7:8 - Baibuli Ekibono kya Katonda 2014

⁸ Abasaadha abo ab'endwaire ey'ebigenge bwe baatuuka ku kifo Abasiria ghe baasimba weema dhaibwe, baingira mu yindi ku weema, baalya, baanhwa, era baatoolamu feeza ni zaabu n'ebivaalo, baaja baabigisa. Baamala baira, kabiri baingira mu weema eyindi, baatoolamu ebyalimu, byona baaja baabigisa.

2 Bakyabazinga 7:8 ပူးပေါင်းရင်းမြစ်များ

2 Bakyabazinga 5:24

Bwe baatuuka ku lusozi Elisha kwe yali, Gehazi yaabibatwikula, yaabitereka mu ndhu. Yaakoba abagheereza ba Naamani bairayo.

2 Bakyabazinga 7:9

Agho beekobaana beene na beene bati: “Kye tuli kukola ti kituufu. Olwaleero lwa mawulire malungi. Aye bwe tunaagasirikira ni tuteega obwire okukya memale tugasansaanie, baidha kutubonereza. Kale ni mwidhe tuje tukobere abakungu ba kyabazinga.”

Isaia 33:23

Emigugha egy'abazigu tigikaasobola kunhwegula mulongooti gwa lyato mu kifo kyagwo, waire okwandhuluza eitanga. Kale ebintu byonabyona eby'abazigu ebingi einho, birifuuka omunhago gwaife, nga n'abalema boona basobola okunhaga ku ogwo.

Yeremia 41:8

Aye mu abo mwalimu abasaadha ikumi abaakoba Ishimaeli bati: “Tukweghembye otatwita! Tuli n'engaano, ni sayiri, n'omuzigo ogw'ebibala eby'emiti emyoliva, n'omudheenene ogw'endhuki, era twabikwese mu nimiro.” Kale abo yaabaleka, yaaloba kubaita.

Matayo 13:44

“Obwakyabazinga obw'omu igulu bufaanana n'eky'obukombe ekyagisibwa mu nimiro. Omuntu bw'akizuula akigisa, ate olw'eisanhu ly'aba nalyo, aja yaatunda ebibye byonabyona yaagula enimiro eyo.

Matayo 25:18

Aye ole eyafuna endala, yaaja yaasima mu itaka, yaaziika omwo lupiiya ya musengwa we.

Yoshua 7:21

mu bintu bye twanhaga nabonamu ekivaalo ekiboneka obulungi einho, nga kyakolebwa e Babilonia. Naabonamu ni kilo ng'oti ibiri edha feeza, n'ekitundu ekya kilo ekya zaabu, naabyegomba era naabitwala. Ebintu ebyo mwidha kubyagaana nga nabiziika mu weema yange, nga feeza n'eri ghansi.”