2 Bakyabazinga 7:6 - Baibuli Ekibono kya Katonda 2014

⁶ kuba Musengwa Katonda yaaleetera ab'eigye lya Siria okuwulira okupakalana okw'ebigaali eby'omu lutalo, n'okugabbalya okw'ebigere by'embalaasi, nga kuli ng'oti kwa igye inene. Kale beekobaana beene na beene bati: “Bona, kyabazinga wa Isiraeli apangiisa bakyabazinga ab'Abahitti n'ab'Abamisiri okwidha okutulwanisa!”

2 Bakyabazinga 7:6 ပူးပေါင်းရင်းမြစ်များ

2 Samueli 10:6

Abammoni bwe baabona nga baleeteire Daudi okubakyagha, baapangisa abalwani ab'oku bigere Abasiria ab'e Betherehobu n'ab'e Zoba nga baghera emitwalo ebiri (20,000), baapangisa ni kyabazinga w'e Maaka yaidha n'abalwani lukumi (1,000), era baapangisa n'abalwani omutwalo mulala n'enkumi ibiri (12,000) abaava e Tobu.

2 Samueli 5:24

Bw'onaawulira empindo edh'abali kukumba, nga dhiviira ghaigulu ku miti emibalisamu egyo, ng'olwo obalumba. Olwo nze Musengwa Katonda nnaaba nkwesooseeyo emberi okughangula eigye ery'Abafilisiti eryo.”

1 Bakyabazinga 10:29

Ekigaali eky'omu lutalo ekirala kyagulwanga mu Misiri ku bitundu lukaaga ebya feeza, n'embalaasi endala yaagulwanga ku bitundu kikumi n'ataanu ebya feeza. Bakyabazinga boonaboona ab'Abahitti n'ab'e Siria, baagulanga ebigaali eby'omu lutalo n'embalaasi, ku basuubuzi ba Solomoni abo.

1 Bakyabazinga 20:20

Era buli muntu ku beene, yaita omuntu ye yalwana naye. Abasiria baalumuka, era Abaisiraeli baababingirira. Aye Benihadadi kyabazinga wa Siria yaawona ng'alumukira ku mbalaasi, ghalala n'ab'eigye lye ab'oku mbalaasi.

2 Bakyabazinga 19:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

2 Bakyabazinga 7:5

Kale baasitula ng'obwire buli kuziba, baaja mu kifo Abasiria ghe baasimba weema dhaibwe. Bwe baakituukaku, baaja okulinga bati nga ghaziragho muntu waire omulala ati

Yobu 15:21

Awulira mu matu ge amamiro agatiisa. Lw'afunaku akalembereza lw'alumbibwa abanhazi.

Zabbuli 14:5

Aye ni, baidha kuba mu kutya okw'amaani, kuba abatuufu Katonda b'afaaku.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 36:9

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

Yeremia 46:21

N'abalwani ba Misiri abapangise boona bali bw'agho batyo, ng'oti n'ente entototo empiite ensavu, ghazira kye basobola kukola. Baalemwa okwesimbagho okulwana, boonaboona baakyuka baalumuka bulumuke; kuba olunaku lwaibwe olw'okubonerezebwa lwali lutuuse, era nga n'olunaku lwaibwe olw'okuzikirira.

Ezekieli 1:24

Bwe byaguluka ni bija, naawulira omuvuuma ogw'amaghagha gaabyo nga guli ng'oti mpiriito ya maadhi, kabiri ng'oti n'okutyabuka okw'amamiro ag'oyo Aghanga Ebintu Byonabyona, era ng'oti n'okuwowoigana okw'eigye. Ate bwe byalekera okuguluka, byaisa amaghagha gaabyo.

Ezekieli 10:5

Omuvuuma ogw'amaghagha ga bikerubi gwawulirwa n'ere mu luya olw'okuliya, nga guli ng'oti n'amamiro ga Katonda Aghanga Ebintu Byonabyona bwe gawulirwa, bw'aba ng'ayogeire.

Okwolekebwa 9:9

Nga dhiri n'ebigalagamba ebiri ng'oti bivaalo bya mu kifuba ebyakolebwa mu kyuma ekigumu einho. Okupapala okw'amaghagha gaadho nga kuli ng'oti n'okupakalania okw'ebigaali eby'omu lutalo ebiri kamaala ebighaluzibwa embalaasi nga dheeyuna mu lutalo.

Abalamuzi 7:21

Kiisi muntu yaayemerera mu kifo kye okwezunguluza ekifo ekyo aghaasimbibwa weema. Ab'eigye lyonalyona ery'omuzigu baalumuka nga baasiikana.

1 Samueli 14:15

Abafilisiti abaali mu kifo we baasimba weema dhaibwe, n'abaali mu nimiro, era n'abandi boonaboona, baadhugumira olw'okutya. Abalwani abaali mu nkambi, n'abo abaajanga okunhaga, baadhugumira. Ensi yaatengeeta, buli ghantu ghaidhula ensisi ey'amaani.

1 Samueli 26:6

Daudi yaakoba Ahimeleki Omuhitti, ni Abishai muganda wa Yoabu era Mutabane Zeruia, ati: “Naani anaaja ninze ye Saulo, mu kifo ghe baasimba weema?” Abishai yaakoba ati: “Nze ndidha kuja n'iwe.”