2 Bakyabazinga 7:2 - Baibuli Ekibono kya Katonda 2014

² Agho omugheereza wa kyabazinga ataamuvangaku, yaabuuza omuntu wa Katonda ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

2 Bakyabazinga 7:2 ပူးပေါင်းရင်းမြစ်များ

Amainhama 7:11

Mu mwaka ogwolukaaga (600) ogw'obulamu bwa Noa, mu mwezi ogwokubiri, ku lunaku olweikumi n'omusanvu olw'omwezi ogwo, enhindo dhoonadhoona edh'amaadhi ghansi mu itaka dhaasembuka, n'ebituli eby'oku igulu byaiguka.

2 Bakyabazinga 5:18

Aye nsaba Musengwa Katonda ansonighenga nze omugheereza wo, bwe naagherekerangaku musengwa wange kyabazinga wa Siria, okuja okusinziza mu isabo lya Rimmoni omusambwa gwa Siria. Bwe nnaakubanga amakiryaivu mu isabo lya Rimmoni, Musengwa Katonda ansonighenga mu ekyo.”

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Zabbuli 78:41

Baamulebanga emikuzi kamaala, baamusonsoonia Oyo Omutukuvu wa Isiraeli.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Malaki 3:10

Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?

Okubala 11:13

Nze nnaatoola gha emamba ey'okugha abantu abo boonaboona, abandirira bati, ‘Tughe emamba tulye’?

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Ab'e Roma 3:3

Memale bwe kiba ng'abandi ku abo tibaali beesigwa, kitegeeza nti Katonda taliba mwesigwa?

Amateeka Agokubiri 3:27

Ja, oniine ghaigulu ku lusozi Pisiga, olinge e buvandhuba n'e bugwandhuba, era olinge ku luuyi olw'omukono omugooda olw'e buvandhuba, ni ku lw'omukono omusaadha olw'e buvandhuba ensi eyo ogyekalirise bukalamu. Kuba toja kusomoka mwiga Yorudani guno.

2 Timotheo 2:13

Bwe tutaba beesigwa, mwene asigala nga mwesigwa; kuba tasobola kwegaana kye yakoba.”