2 Bakyabazinga 7:10 - Baibuli Ekibono kya Katonda 2014

¹⁰ Agho bairayo ku kibuga Samaria, baayeta abaigazi b'ekibuga ekyo, baabakobera bati: “Tujiire mu kifo Abasiria ghe baasimba weema dhaibwe, twaloba kwagaanayo waire okuwulirayo omuntu naire omulala ati. Aye ghabairegho bwa mbalaasi na ndogoyi nga nsibe, ni weema nga badhirese nga bwe dhaabaire.”

2 Bakyabazinga 7:10 ပူးပေါင်းရင်းမြစ်များ

2 Samueli 18:26

Omukuumi yaabona omuntu owundi ng'ali kwidha ng'alumuka. Omukuumi oyo yaalagiriza yaakobera omwigazi w'omulyango ati: “Bona, eriyo omuntu owundi ali kulumuka yenka!” Kyabazinga yaakoba ati: “Oyo yeena ali kuleeta mawulire malungi.”

2 Bakyabazinga 7:11

Abaigazi b'ekibuga baalangirira amawulire ago, era baagatuusa mu kisaagaati kya kyabazinga.

2 Bakyabazinga 7:9

Agho beekobaana beene na beene bati: “Kye tuli kukola ti kituufu. Olwaleero lwa mawulire malungi. Aye bwe tunaagasirikira ni tuteega obwire okukya memale tugasansaanie, baidha kutubonereza. Kale ni mwidhe tuje tukobere abakungu ba kyabazinga.”

1 Ebyomubyanda 15:18

Era baataagho Balevi banaibwe okwiririra abo, nga n'ab'okubabeeraku: Zekaria, Yaazieli, Shemiramothi, Yehieli, Unni, Eliabu, Benaia, Maaseia, Mattithia, Elifelehu, ni Mikaneia ghalala ni Obededomu, ni Yeiyeli, abakuumi b'emiryango.

1 Ebyomubyanda 16:38

Yaataagho ni Obededomu mutabane wa Yeduthuni, ni Hosa, ghalala ni balevi banaibwe nkaaga na munaana nga bombi abo, Obededomu ni Hosa, n'abakulira abakuumi b'emiryango.

2 Ebyomubyanda 23:19

Yehoiada era yaataagho abakuumi ku miryango gy'eisinzizo, lirobenga kwingirwamu atali mulongoofu.

Zabbuli 127:1

Musengwa Katonda mwene bw'atazimba ndhu, abagizimba badaagira bwereere; Musengwa Katonda mwene bw'atakuuma kibuga, omukuumi amogera bwereere.