2 Bakyabazinga 6:33 - Baibuli Ekibono kya Katonda 2014

³³ Yali akaayogera nabo, kyabazinga yaatuuka gh'ali, yaamukoba ati: “Musengwa Katonda n'atutuusiisaaku akabi kano. Kale lwaki nhongera okuteega okubona Musengwa Katonda ky'anaakola?”

2 Bakyabazinga 6:33 ပူးပေါင်းရင်းမြစ်များ

Amainhama 4:13

Kaini yaakoba Musengwa Katonda ati: “Ekibonerezo ekyo kikakali inho, tighanga kukigumira.

2 Bakyabazinga 3:10

Kyabazinga wa Isiraeli yaakoba ati: “Tukagwireku! Musengwa Katonda atusoloiza ife bakyabazinga abasatu, atute mu ngalo dha Moabu.”

2 Bakyabazinga 7:1

Elisha yaakoba ati: “Muwulire Musengwa Katonda ky'akoba. Musengwa Katonda akoba ati, ‘Olwaidho mu kiseera ng'oti ni kino, ku mulyango ogwingira mu kibuga Samaria, kilo eisatu edh'obuwunga obuseereibwa obukalamu dhiidha kuba nga dhigula ekitundu kirala ekya feeza, ni kilo omukaaga edha sayiri dhoona dhiidha kuba nga dhigula ekitundu kirala kyonka ekya feeza.’ ”

Yobu 1:11

Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Yobu 15:13

Ku lwaki osungughalira Katonda, n'oyogera ebibono ebiri bityo?

Yobu 2:5

Aye mpegaano golola omukono gwo ogeme ku mubiri gwe, aja kukuvuma ng'obona n'okubona.”

Yobu 2:9

Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Zabbuli 37:7

Sirikanga ng'oli aghali Musengwa Katonda, oteegerere ky'anaakola. Ole ebintu ni bwebimujiira obukalamu, oba n'afuna ebintu ng'abita mu magira amabi, otafangayo.

Zabbuli 37:9

kuba ababi baja kuwaagho aye abo abasuubirira mu Musengwa Katonda balitwala ensi.

Zabbuli 62:5

Nteegerera Katonda n'obuguminkiriza aidhe andokole, mu oyo eisuubi lyange mwe liva.

Ensambo 19:3

Omuntu asobola okukola eby'ekisiru yeereetera mwene okuzikirira, aye yaamala yaasungughalira Musengwa Katonda.

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Isaia 8:17

Ndidha kuteegerera Musengwa Katonda atubeere, waire nga mpegaano yeegisiisa ku bantu be. Oyo nze ye ndidha okusuubiriramu.

Isaia 8:21

Era baidha kuyengeeteranga mu nsi nga beeraliikirivu inho, era nga balumwa endhala. Ng'endhala eri kubaluma, baidha kwesinwanga bakolime kyabazinga waibwe ni Katonda waibwe. Ni bwebaliringa ghaigulu batya,

Yeremia 2:25

Mulobe kuseenenia ngaito dhaimwe, waire okwereetera ekigheeghe, nga mulumuka okunonereza emisambwa. Aye imwe mukoba muti, ‘Titusobola kulekera agho, kuba tugonza inho emisambwa egy'abamaghanga agandi, era egyo gye twidhanga okunonereza.’ ”

Okulira 3:37

Naani asobola okulagira ekintu ni kibaagho okutoolaku nga Musengwa n'asazeegho kibeegho?

Okulira 3:39

Lwaki omuntu yeemuluguunhia ng'ali kubonerezebwa olw'ebibi bye?

Ezekieli 33:10

Musengwa Katonda era yankoba ati: “Iwe omuntu, yogera eri ab'eighanga Isiraeli ku ebyo bye bakoba bati, ‘Ebibi byaife n'ensobi dhaife bitutwaliriiza inho, byatugoogombya twaweera mu luwu. Kale tunaaba tutya abalamu?’

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Habakkuku 2:3

Bighandiike kuba ekiseera kyabyo eky'okutuukirizibwa kikaali. Aye nga kiri kwidha mangu, era bye ndi kukwoleka biri n'okubaagho. Ni bwebiboneka okuba ng'oti biidha mpola, era biteegerere. Tibiriroba kubaagho, era biryangughaku.

Luka 18:1

Agho yaabafumira olufumo okubalaga ati bagwaine okusabanga buliidho era n'obutakoogha.

2 Ab'e Korintho 2:11

Olwo Sitaani alobe kutuzingiza, kuba twidhi entegeka ye yoonayoona.

2 Ab'e Korintho 2:7

Kale mperaano mugwaine mumusonighe era mumugumye, alobe kunakughala bujiiririire, na kuwaamu maani.

1 Samueli 31:4

Agho Saulo yaakoba eyamugemeranga eby'okulwanisa ati: “Sowolayo empiima yo onfumite, abo abatali bakekete balobe kwidha kunfumita na kuneesanhukizaaku.” Aye eyamugemeranga eby'okulwanisa yaaloba kumufumita olw'okutya einho. Kale Saulo mwene yaasowolayo empiima eyiye, yaagyetungaku.