2 Bakyabazinga 6:30 - Baibuli Ekibono kya Katonda 2014

³⁰ Kyabazinga bwe yawulira omukazi oyo bye yayogera, yaakanulamu ebivaalo bye olw'okunakughala. Abantu abaali agho gha kimante ky'ekibuga ghe yali ali kubita, baabona ng'avaire ekutiya ku mubiri gwe olw'okwebonereza.

2 Bakyabazinga 6:30 ပူးပေါင်းရင်းမြစ်များ

1 Bakyabazinga 21:27

Ahabu bwe yawulira ebibono ebyo, yaakanulamu ebivaalo bye olw'enaku, yaavaala ekutiya. Yaaloba okulya emere, yaasulanga mu kutiya, era yaatambulanga nga munhiinkaavu ate nga mweraliikirivu.

2 Bakyabazinga 18:37

Agho Eliakimu mutabane wa Hilikia, nga n'eyalabiriranga ekisaagaati kya kyabazinga, ni Shebuna eyali omughandiisi w'omu kisaagaati kya kyabazinga, era ni Yoa mutabane wa Asafu, nga n'eyali omukuumi w'ebighandiiko, baaja eri Kyabazinga Hezekia nga bakanwirekanwire ebivaalo byaibwe olw'okunakughala. Baamukobera omukungu w'e Assiria bye yakoba.

2 Bakyabazinga 19:1

Kyabazinga Hezekia bwe yawulira ebibono ebyo, yaakanulamu ebivaalo bye era yaavaala ekutiya olw'okunakughala. Agho yaaja mu isinzizo.

2 Bakyabazinga 5:7

Kyabazinga wa Isiraeli bwe yasoma embaluwa eyo, yaakanulamu ebivaalo bye olw'okusoberwa. Yaakoba ati: “Obwo nze ndi Katonda, ali n'obuyinza okwita n'okugha obulamu? Omusaadha ono aghanga atya okunsindikira omuntu mmuwonie endwaire ye ey'ebigenge? Bwenebwene ali bwa kuneesonsaaku bwesonse afune bw'anaatoolereza okusoola ninze!”