2 Bakyabazinga 6:28 - Baibuli Ekibono kya Katonda 2014

²⁸ Kyabazinga yaamubuuza ati: “Kizibu ki ky'oli nakyo?” Omukazi yairamu ati: “Omukazi ono yankoba ati, ‘Leeta omwana wo tumulye olwaleero, ate olwaidho twidha kulya owange.’

2 Bakyabazinga 6:28 ပူးပေါင်းရင်းမြစ်များ

Amainhama 21:17

Aye Katonda yaawulira omwana ng'ali kulira, era malaika wa Katonda, ng'ali mu igulu, yaakoba Hagari ati: “Hagari, obaire otya? Otatya, kuba Katonda awuliire omwana ng'ali kulira eyo y'ali.

2 Samueli 14:5

Kyabazinga yaamubuuza ati: “Kiki ky'oyenda nkukolere?” Omukazi yaamwiramu ati: “Wo, nze ndi namwandu, baze yafa.

2 Bakyabazinga 6:27

Kyabazinga yaamwiramu ati: “Musengwa Katonda mwene bw'ataakuyambe, nze nnaatoola gha eby'okukuyamba, ate nga zeena mu kifo aghakubirwa engaano nzirayo ka kulya, waire mu kikunhiro eky'omwenge gw'emizabbibu okubaayo n'ak'okunhwa?”

Zabbuli 114:5

Kyali ki, iwe enhandha okulumukagho, n'iwe Yorudani okukyuka n'okuuluula ekyeinhumainhuma,

Isaia 22:1

Buno n'obukwenda obugema ku kyetebwa Ekiiko eky'Okubonekerwa. Kiki ekibatuuseeku ekibaniiniisa mwenamwena, ni muja ghaigulu ku busolya bw'endhu?

Isaia 49:15

Musengwa Katonda oyo yaabairamu ati: Omukazi asobola okwerabira omwana we ayonka, yaaloba kugemerwa kisa mwana we oyo ye yazaala? Aye waire ng'omukazi asobola okwerabira, nze tiribeerabira naire.

Okulira 4:10

Mu biseera abantu bange bye baazikiriramu, abakazi beenebeene abaamanhibwa okuba abasaasizi, baatuuka okufumba abaana baibwe beene baabafuula emere.

Ezekieli 5:10

Abazaire b'omu Yerusalemu balirya abaana baibwe, n'abaana baalya abazaire baibwe. Ndibasalira imwe omusango gwabasinga naababonereza, era naasansaaniza ku ndhuyi dhoonadhoona abo abaliba basigairegho nga balamu.

Abalevi 26:29

Endhala ey'amaani einho eidha kubalumanga, mutuuke n'okulyanga abaana baimwe.

Luka 23:29

kuba mumanhe kino. Enaku dhiri kwidha abantu mwe balikobera bati: beesiimye abagumba, n'enda edhitazaalangaku, n'amabeere agataayonsaaku!

Abalamuzi 18:23

baabakaabukira. Ab'omu kika kya Dani baakyuka, baabuuza Mika bati: “Kiki ekikutuuseeku, okwidha n'ekikunsu ekinene kityo?”

1 Samueli 1:8

Agho Elukana, iba, yaamubuuza ati: “Hanna, lwaki oliranga otyo, n'oloba n'okulya emere? Lwaki onakughala okwaga agho? Nze tikusingira baana balenzi ikumi?”