2 Bakyabazinga 6:25 - Baibuli Ekibono kya Katonda 2014

²⁵ Okuzingiza okwo kwaleeta endhala ey'amaani mu kibuga, omutwe gw'endogoyi gwatuuka okugula ebitundu ekinaana ebya feeza, n'akatundu akalala ku buli butundu obuna obwa saabira w'enjiibwa kaagula ebitundu bitaanu ebya feeza.

2 Bakyabazinga 6:25 ပူးပေါင်းရင်းမြစ်များ

Amainhama 41:55

Abantu ab'omu Misiri bwe baatoolera okulumwa endhala, baalirira kyabazinga abaghe emere. Kyabazinga yaabakoba boonaboona ati: “Muje eri Yosefu, ky'anaabakoba kye mube mukole.”

1 Bakyabazinga 18:2

Kale Eliya yaaja yeeyoleka y'Ahabu. Olwo endhala yali eri kuluma inho mu Samaria.

2 Bakyabazinga 25:3

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

2 Bakyabazinga 6:26

Kyabazinga wa Isiraeli bweyali ng'ali kubita kumpi n'ekimante ky'ekibuga, omukazi mulala yaamulirira ng'akoba ati: “Isebantu kyabazinga, nhamba.”

2 Bakyabazinga 7:12

Agho kyabazinga yaasituka mu bwire obwo, yaakoba abakungu be ati: “Ka mbakobere Abasiria kye bategeike: Baidhi ng'endhala etuli bubi, kye baviire ni bava mu kifo ghe baasimba weema dhaibwe, ni baja okwegisa mu irungu nga bakoba bati, ‘Abaisiraeli bwe banaafuluma mu kibuga, twidha kubagema nga balamu twingire ekibuga.’ ”

2 Bakyabazinga 7:4

Bwe tukoba tuti, ‘Twingire mu kibuga,’ ekibuga kirimu endhala era twidha bwa kufiira eyo. Ate bwe tutyama obutyame ghano, era twidha kufa. Kale ni mukole tuje mu kifo Abasiria ghe baasimba weema dhaibwe. Bwe banaatuleka nga tuli balamu, twidha kuba balamu. Aye bwe banaatwita, twidha kufa.”

Yeremia 14:18

Bwentambula ni njaaku eyo mu byalo, mbona mirambo gy'abaitirwa mu lutalo. Bwenhingira mu bibuga, mbona bantu bali kulambuka ndhala. Abalanzi ni bakabona bakola emirimo gyaibwe nga buliidho mu nsi, aye bazira kye baidhi.”

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 52:6

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

Ezekieli 4:17

Emere n'amaadhi bija kubawaaku, olwo balingaganeku nga bawoiremu eisuubi, batuuke n'okugoogomba baweere mu luwu, olw'ebibi byaibwe.”

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.