2 Bakyabazinga 6:2 - Baibuli Ekibono kya Katonda 2014

² Tuganhe tuje ku mwiga Yorudani tutemeyo omuti mulala mulala buli muntu, twezimbiregho ekifo eky'okubaamu.” Elisha yairamu ati: “Kale muje.”

2 Bakyabazinga 6:2 ပူးပေါင်းရင်းမြစ်များ

2 Bakyabazinga 6:1

Lwali lulala, ab'omu kikunsu ky'abalanzi abaabanga ni Elisha baamukoba bati: “Isebo, weena nga bw'oli kubona, ekifo kye tubaamu n'iwe kitono inho.

2 Bakyabazinga 6:3

Omulala ku abo yaakoba ati: “Nkweghemba oganhe oje n'ife abagheereza bo.” Elisha yairamu ati: “Kale tuje.”

Yoanne 21:3

Simoni Petero yaabakoba ati: “Nja kuvuba.” Bale baamwiramu bati: “Twena ka tuje n'iwe.” Olwo baaniina mu lyato baaja. Aye obwire obwo ghazira kye baagemya.

Ebikolwa by'Abatume 18:3

yaaba nabo, era yaakola nabo, kuba boona baakolanga omulimo n'omulala ng'ogwa Paulo ogw'okukola weema.

1 Ab'e Korintho 9:6

Barunaba ninze, niife twenka abali n'okukola okweyemerezaagho?

1 Ab'e Thessalonika 2:9

Aboluganda, mwidhukira bwe twakolanga nga tufaabiikana omusana n'obwire, tulobe kukaluubiriza muntu yeenayeena ku imwe nga tubakobera Amawulire Amalungi aga Katonda.

2 Ab'e Thessalonika 3:8

Era titwakozesa kintu kya muntu yeenayeena nga titukisasuliire. Aye twakolanga inho obutagheera, era twafubanga omusana n'obwire tulobe kuzitoogherera muntu yeenayeena ku imwe.

1 Timotheo 6:6

Kituufu okwikiriza kulimu obukombe kamaala, kasita ole n'awulira ng'ebyo by'ali nabyo bimumala.