2 Bakyabazinga 6:18 - Baibuli Ekibono kya Katonda 2014

¹⁸ Abasiria bwe baidha okulumba Elisha, Elisha oyo yaasaba Musengwa Katonda ati: “Wo Musengwa Katonda, nkweghemba oleetere amaiso g'abantu bano okutulughala.” Musengwa Katonda yaaleetera amaiso gaibwe okutulughala ng'Elisha bwe yasaba.

2 Bakyabazinga 6:18 ပူးပေါင်းရင်းမြစ်များ

Amainhama 19:11

Era baatuluwaza abasaadha, abato n'abakulu abaali ku luya ku lwigi, baaloba kulubona.

2 Bakyabazinga 6:19

Agho Elisha yaaja ye bali yaabakoba ati: “Eno engira ye mugemye ti n'entuufu, era kino ti n'ekibuga kye mwidhiriire. Muunonereze nze, ndidha kubatuusa ku muntu ye muli kwagala.” Yaabatwala e Samaria.

Yobu 5:14

Omusana baba bali mu nzikiiza, era baaghaamanta mu kasana ghagati oti bwire.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Zekaria 12:4

Mu kiseera ekyo ndireetera embalaasi dhoonadhoona okutya einho, dhaagwamu akatambala, era naaleetera n'abavuzi baadho okugwa eiralu. Ndirabirira abantu b'omu Buyudaaya, aye naaleetera embalaasi edh'abazigu baibwe okutulughala.

Yoanne 12:40

“Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

Yoanne 9:39

Era Yesu yaakoba ati: “Ekyandeeta mu nsi n'okusala omusango, abatulu babone ate ababona bafuuke batulu.”

Ebikolwa by'Abatume 13:11

Aye mperaano bona eno, Musengwa akusonseemu olwala, oidha kuba mutulu nga tobona ndhuba okumala entangama.” Mangu ago ekifu n'enzikiiza byamugwa ku maiso, yaaghaamanta ng'ayagala ow'okumugema ku mukono.

Ab'e Roma 11:7

Kale tunaakoba tutya? Abaisiraeli tibaafuna ekyo kye baanuyirira? Abalondemu n'abaakifuna, aye abandi baakalanguka emyoyo,

Amateeka Agokubiri 28:28

Musengwa Katonda aidha kubagwisanga eiralu, abafuulenga batulu, era abaleeterenga okusoberwa.