2 Bakyabazinga 6:17 - Baibuli Ekibono kya Katonda 2014

¹⁷ Agho Elisha yeeghemba Musengwa Katonda ng'akoba ati: “Wo Musengwa Katonda, nkweghemba oigule amaiso ge aghange okubona.” Musengwa Katonda yaigula amaiso g'omugheereza oyo. Yaja okulinga ati, ng'abona olusozi nga lwidhwire embalaasi n'ebigaali eby'omu lutalo ebiri kwaka omuliro, nga byezungulwire Elisha.

2 Bakyabazinga 6:17 ပူးပေါင်းရင်းမြစ်များ

Amainhama 21:19

Agho Katonda yaazibula amaiso ga Hagari, yaabona ensulo. Kale yaaja yaidhuza ensawo ey'oluwu amaadhi era yaanhwesa n'omwana.

Amainhama 32:1

Yakobo yeeyongerayo mu lugendo lwe, bamalaika ba Katonda baayagaanana naye.

Amainhama 32:2

Yakobo bweyababona, yaakoba ati: “Lino igye lya Katonda!” Yaatuuma ekifo ekyo eriina Mahanaimu.

Amainhama 32:3

Agho Yakobo yaatuma abakwenda bamukulemberemu, baje ye muganda we Esau mu kiketezo eky'e Seiri, mu nsi ey'Edomu.

2 Bakyabazinga 2:11

Bwe baali nga bakaatambula nga bwe baghaya, amangu ago ghaidhagho ekigaali eky'omu lutalo eky'omuliro n'embalaasi edh'omuliro, byayawula buli muntu ku mwine, Eliya yaatwalibwa ghaigulu ng'ali mu mpewo eyeezungulula n'amaani.

Zabbuli 104:3

Oba eyo ghaigulu ku maadhi, waavuga ebire ng'oti n'ekigaali kyo eky'omu lutalo, waajiira ku maghagha ag'empewo.

Zabbuli 104:4

Ofuula empewo okuba abakwenda bo, n'enimi edh'omuliro waadhifuula okuba abagheereza bo.

Zabbuli 119:18

Nzibula amaiso, nsobole okubona endhegeresa eyewuunhisa eri mu mateeka go.

Zabbuli 125:2

Ng'ensozi bwe dheezungulwire Yerusalemu, ni Musengwa Katonda atyo bwe yeezungulwire abantu be ng'abakuuma okuva buti n'okweyongerayo ebyanda n'ebyanda.

Zabbuli 34:7

Malaika wa Musengwa Katonda akuuma abo abatya Musengwa Katonda, yaabawonia ebizibu.

Zabbuli 68:17

Musengwa Katonda yaidha ku lusozi Sinai mu kifo ekitukuvu, ng'ali n'ebigaali bye eby'amaani eby'omu lutalo enkumi n'enkumi.

Zabbuli 91:11

kuba aliragira bamalaika be baakulabirira, nga baakukuuma buli gh'oja.

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Isaia 42:7

Olizibula abatulu amaiso, waatoola abasibe mu makomera, waabawonia okubanga mu nzikiiza.

Danieli 10:7

Nze Danieli zenka, ninze nabona okubonekerwa okwo kuba abantu abaali ninze agho ghazira kye baabona naire, aye baadhugumira olw'okutya einho, baalumukagho baaja beegisa.

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Okubala 22:31

Agho Musengwa Katonda yaazibula Balaamu amaiso, yaabona malaika wa Musengwa ng'ayemereire mu ngira, ng'asowoire empiima mu kiruutu kyayo yaagigema mu ngalo. Balaamu yaakutama n'ekyeni kyatuuka ku itaka.

Matayo 26:53

Olowooza oti tisobola kusaba Lata wange n'ampeereza magye ga bamalaika gaswika ikumi n'abiri buti buti?

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ab'Efeso 1:18

Abazibule amaiso ag'omwoyo mubone ebyo bye yasuubiza bwe yabeeta, mumanhe obukombe obuli mu ebyo eby'ekitiisa by'abiikira abatuukirivu.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Okwolekebwa 19:11

Agho naabona eigulu nga liigule, era okuja okulinga nti nga mbona embalaasi endheru! Eyali ali kugivuga nga ayetebwa Mwesigwa, Owamazima, asala emisango era n'alwana entalo mu butuufu.

Okwolekebwa 19:14

Amagye ag'omu igulu gaamunonereza, ng'abaisirukale bali kuvuga embalaasi endheru era nga bavaire ebivaalo ebyeru, ebyamule, era ebighegheevu.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati: