2 Bakyabazinga 6:16 - Baibuli Ekibono kya Katonda 2014

¹⁶ Elisha yaamwiramu ati: “Otatya, kuba abali ku luuyi olwaife, bangi okusinga abali ku luuyi olwaibwe.”

2 Bakyabazinga 6:16 ပူးပေါင်းရင်းမြစ်များ

Amainhama 32:1

Yakobo yeeyongerayo mu lugendo lwe, bamalaika ba Katonda baayagaanana naye.

2 Bakyabazinga 6:15

Omugheereza wa Elisha omuntu wa Katonda bwe yazuuka enkyo ku nkyo, yaafuluma. Okuja okulinga ati, ng'abona eigye n'embalaasi, n'ebigaali eby'omu lutalo, nga bazingiiza ekibuga okukyezunguluza. Agho yaakoba Elisha ati: “Tukagwireku, musengwa wange! Tunaakola tutya?”

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Zabbuli 11:1

Oba nga Musengwa Katonda ye neesiga, imwe mukana mutya okunkoba muti: “Guluka ng'enhonhi oje mu nsozi,

Zabbuli 27:3

Ni bweririba eigye nga n'erinzingiiza okuunumba, tija kuwuliramu kutya naire. Abazigu bange ni bwebantanulaku olutalo, nze ndidha kuba mugumu.

Zabbuli 3:6

Tiitye lukunkumuli lwa bazigu, abagumbye okuneezungulula.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Zabbuli 55:18

Aidha kundhiza bwera okuva mu ntalo dhe nwana, kuba bali kamaala abeetegeike okulwana ninze.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Yeremia 39:17

Aye nze Musengwa Katonda ndikukuuma, naaloba kukughaayo eri abantu abo b'otya

Matayo 26:53

Olowooza oti tisobola kusaba Lata wange n'ampeereza magye ga bamalaika gaswika ikumi n'abiri buti buti?

Mariko 16:6

Yaabakoba ati: “Mutatya. Ndidhi nti muli kwagala Yesu ow'e Nazarethi, eyakomererwa ku musalaba azuukiire, muno aziramu. Mubone ekifo ghe yabaire ateereibwa.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Ab'e Filippi 1:28

aghazira kutiisibwa bazigu baimwe mu nsambo yoonayoona. Kano n'akamanhiso ka Katonda akabooleka nga baja kuzikirizibwa, ate akooleka imwe nga muja kulokolebwa.

Yoshua 11:6

Musengwa Katonda yaakoba Yoshua ati: “Abo otabatya kuba ndidha kubaita boonaboona, idho ku saawa ng'oti ni dhino banaaba bafiire. Embalaasi dhaibwe mwidha kudhisala eminho, n'ebigaali byaibwe eby'omu lutalo mubyokye.”

1 Yoanne 4:4

Baana bange muli ba Katonda, abo abalanzi abaguya mwabaghangula, kuba ali mu imwe asinga ali mu nsi.