2 Bakyabazinga 6:14 - Baibuli Ekibono kya Katonda 2014

¹⁴ Agho yaasindikayo eigye enene n'embalaasi, n'ebigaali eby'omu lutalo. Eigye eryo lyatuukayo bwire, lyazingiza ekibuga okukyezunguluza.

2 Bakyabazinga 6:14 ပူးပေါင်းရင်းမြစ်များ

2 Bakyabazinga 18:17

Agho kyabazinga w'e Assiria ng'ali e Lakishi, yaasindika eigye eikologho nga likulirwa abakungu be basatu abakulira bakungu banaibwe boonaboona, lyaja okulumba Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

2 Bakyabazinga 6:13

Kyabazinga wa Siria yaakoba ati: “Muje muzuule gh'ali, nsobole okutumayo abantu bamuleete.” Baamukobera bati: “Bona, Elisha ali Dothani.”

2 Bakyabazinga 6:15

Omugheereza wa Elisha omuntu wa Katonda bwe yazuuka enkyo ku nkyo, yaafuluma. Okuja okulinga ati, ng'abona eigye n'embalaasi, n'ebigaali eby'omu lutalo, nga bazingiiza ekibuga okukyezunguluza. Agho yaakoba Elisha ati: “Tukagwireku, musengwa wange! Tunaakola tutya?”

Matayo 26:47

Yesu bwe yali ng'ayogera, Yuda, omulala ku Ikumi n'Ababiri yaatuuka n'eikuukuubira ery'abantu okuva eri Bakabona Abakulu, n'abakulu ab'ebika, nga bagemye empiima n'emiigo.

Matayo 26:55

Mu saawa yeene eyo, Yesu yaakoba eikuukuubira ati: “Mwidhie okungema ng'abaja okugema omunhazi, mwaidha n'empiima n'emiigo? Buli lunaku natyamanga mu isinzizo naayegeresa, aye timwangema.

Luka 21:20

“Aye bwe mubonanga ab'amagye nga bali agho beezungulwire Yerusalemu, ng'olwo mumanha muti okuzikirizibwa kwakyo kutuuse.

1 Samueli 23:26

Saulo yaaja ku luuyi olundi olw'olusozi, ate Daudi n'abasaadha be baaba ku luuyi olundi, nga bali kwangugha okuvaagho kuba Saulo n'abasaadha be baali bazingiiza Daudi n'abasaadha be ku ndhuyi dhoonadhoona.

1 Samueli 24:2

Kale Saulo yaaja n'abalwani enkumi isatu (3,000), abaalondebwamu mu Isiraeli yoonayoona, yaaja okwagala Daudi n'abasaadha be, mu kifo ekyayetebwanga Amabaale ag'Embuzi edh'Omunsiko.