2 Bakyabazinga 6:12 - Baibuli Ekibono kya Katonda 2014

¹² Owundi ku bakungu be yairamu ati: “Isebantu kyabazinga, ghaziragho waire omulala ati. Aye Elisha, omulanzi ali mu Isiraeli, n'akobera kyabazinga wa Isiraeli byonabyona, ni bwe biba ebyo by'oyogerera mu kisenge kyo ky'osulamu.”

2 Bakyabazinga 6:12 ပူးပေါင်းရင်းမြစ်များ

2 Bakyabazinga 5:26

Aye Elisha yaamukoba ati: “Tibaire n'iwe mu mwoyo, omusaadha bw'aviire mu kigaali kye eky'omu lutalo okukubona? Kino n'ekiseera okwefunira empiiya n'ebivaalo, amasamba g'emiti emyoliva n'ag'emizabbibu, entaama n'ente, oba abairu abasaadha n'abairu abakazi?

2 Bakyabazinga 5:3

Lwali lulala, omughala oyo yaakoba muka Naamani ati: “Ngoli musengwa wange ajaaku y'omulanzi ali e Samaria, omulanzi oyo yandimuwoniiza endwaire ye ey'ebigenge.”

2 Bakyabazinga 5:8

Elisha omuntu wa Katonda bwe yawulira nga kyabazinga wa Isiraeli akanwiremu ebivaalo bye olw'okusoberwa, yaamusindikira obukwenda ng'akoba ati: “Lwaki okanwiremu ebivaalo byo n'osoberwa otyo? Iwe muleke aidhe ye ndi aghange okumanha nga mu Isiraeli mulimu omulanzi.”

2 Bakyabazinga 6:11

Ekyo kyaleetera kyabazinga wa Siria okutabulwa einho. Yaayeta abakungu be, yaababuuza ati: “Naani mu ife ali ku luuyi lwa kyabazinga wa Isiraeli?”

2 Bakyabazinga 6:13

Kyabazinga wa Siria yaakoba ati: “Muje muzuule gh'ali, nsobole okutumayo abantu bamuleete.” Baamukobera bati: “Bona, Elisha ali Dothani.”

Okuvaayo 8:3

Omwiga Kiyira gwidha kwidhula ebikere kamaala bituuke n'okwingira mu ndhu yo, ni mu kisenge y'osula, bituumire ni ku buliri bwo kwene. Era bija kwingira ni mu ndhu dh'abakungu bo, ni mu dh'abantu bo boonaboona, era ni mu ziiko dho dhe bafumbiramu emigaati, ni mu ntamu dhe bakandiramu engaano.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Omulangirizi 10:20

Otayogeranga bubi ku mufuzi waire mu kaama, oba waire ng'oli mu kisenge kyo mw'osula; kuba enhonhi dhisobola okuguluka, dhaatwala by'okobye dhaabyogerayo.

Isaia 29:15

Bakagwireku abo abagezaaku okukweka ku Musengwa Katonda entegeka dhaibwe, era bye bakola ni biba bya mu nzikiiza, nga bakoba bati: “Naani atubona? Era naani aidhi bye tukola?”

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.