2 Bakyabazinga 6:10 - Baibuli Ekibono kya Katonda 2014

¹⁰ Agho kyabazinga wa Isiraeli yaagheereza obukwenda obwo obulabula eri ab'omu kiketezo ekyo Elisha omuntu wa Katonda kye yamukoberaku. Elisha yalabulanga kyabazinga ku kifo ekyo emikuzi egigheraku, kale mu nsambo eyo kyabazinga yaawonanga akabi okumutuukaku mu kifo ekyo.

2 Bakyabazinga 6:10 ပူးပေါင်းရင်းမြစ်များ

1 Bakyabazinga 20:15

Agho kyabazinga Ahabu yaabala abaisuka abagheereza ab'abafuzi ab'omu biketezo, baaba nga baghera ebikumi bibiri n'asatu na babiri (232). Ng'amaze ekyo, yaabala eigye lyonalyona era Isiraeli lyaba nga ligheramu abantu kasanvu (7,000).

2 Bakyabazinga 13:14

Agho Elisha yaalwala obulwaire obwamuviiraku okufa. Yehoashi kyabazinga wa Isiraeli yaaja y'ali okumubona. Yaalira amaziga ng'akoba ati: “Lata wange, lata wange! Iwe ow'amaani ng'oti bigaali bya mu lutalo n'embalaasi, ebirwanirira Isiraeli!”

2 Bakyabazinga 2:12

Elisha yaakibona, era yaaleekaana ati: “Lata wange, lata wange! Iwe ow'amaani ng'oti n'ebigaali eby'omu lutalo n'embalaasi ebirwanirira Isiraeli!” Yaalekera agho okumubona. Agho Elisha oyo yaagema ebivaalo ebibye, yaabikanulamu ghabiri olw'okunakughala.

2 Bakyabazinga 5:14

Agho Naamani yaaserengeta, yaaja yeinhika mu mwiga Yorudani emikuzi musanvu, ng'Elisha omuntu wa Katonda bwe yamukoba. Era omubiri gwe gwaira buto ng'oti gwa mwana muto, yaaba mulongoofu.

2 Bakyabazinga 6:11

Ekyo kyaleetera kyabazinga wa Siria okutabulwa einho. Yaayeta abakungu be, yaababuuza ati: “Naani mu ife ali ku luuyi lwa kyabazinga wa Isiraeli?”

2 Bakyabazinga 6:9

Aye Elisha omuntu wa Katonda yagheereza kyabazinga wa Isiraeli obukwenda obulabula ng'akoba ati: “Otageza naire kubita mu kifo ekyo, kuba Abasiria bali kujaayo.”

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Ensambo 27:12

Omuntu omutegeevu abona akabi nga kali kwidha yaakeeghala, aye ole aziramu magezi aja buje yaakagwamu.

Yeremia 11:18

Agho Musengwa Katonda yankobera naamanha enkwe edh'okundhita, abazigu bange dhe baali bali kutegeka.

Matayo 2:12

Era nga bwe baalabulwa mu kirooto obutaira wa Herode, baagema engira eyindi okuja mu nsi ey'ewaibwe.

Matayo 3:7

Bwe yabona Abafarisaayo kamaala n'Abasaddukaayo nga baidha y'ali okubatizibwa, yaabakoba ati: “Imwe eizaire ery'emisota naani eyabalabula okulumuka ekibonerezo ekiri kwidha?

Ebikolwa by'Abatume 27:24

era yankoba ati, ‘Paulo, otatya, oteekwa okwemerera mu maiso ga Kaisari. Era olwa iwe Katonda aidha kukuuma n'abo boonaboona abali n'iwe mu lyato.’

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.