2 Bakyabazinga 5:7 - Baibuli Ekibono kya Katonda 2014

⁷ Kyabazinga wa Isiraeli bwe yasoma embaluwa eyo, yaakanulamu ebivaalo bye olw'okusoberwa. Yaakoba ati: “Obwo nze ndi Katonda, ali n'obuyinza okwita n'okugha obulamu? Omusaadha ono aghanga atya okunsindikira omuntu mmuwonie endwaire ye ey'ebigenge? Bwenebwene ali bwa kuneesonsaaku bwesonse afune bw'anaatoolereza okusoola ninze!”

2 Bakyabazinga 5:7 ပူးပေါင်းရင်းမြစ်များ

Amainhama 30:2

Yakobo yaasungughalira Rakeli, yaakoba ati: “Ninze Katonda eyakwima okuzaala.”

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 50:19

Aye Yosefu yaabakoba ati: “Mutatya, nze tighanga kweta mu kifo kya Katonda.

2 Samueli 1:11

Agho Daudi yaakanulamu ebivaalo bye olw'enaku, n'abasaadha be boonaboona be yali nabo agho baakola batyo.

1 Bakyabazinga 20:7

Agho kyabazinga wa Isiraeli yaayeta abakulembeze boonaboona mu ighanga, yaabakoba ati: “Bwenebwene mugwaine mukimanhe nti omusaadha ono ali kutusonsoonia, kuba yansindikira abakwenda mbu mmughe abakazi bange, n'abaana bange, ni feeza wange, ni zaabu wange. Era tyamulobera naire.”

2 Bakyabazinga 11:14

Okuja okulinga ati, ng'abona kyabazinga ayemereire gha mpango, agheemerera kyabazinga ng'empisa bweyali, ng'abafuuyi b'amagwala bamuli kumpi. Era ng'abantu boonaboona bali kusagamba nga bwe bafuuwa amagwala. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Bakyabazinga 18:37

Agho Eliakimu mutabane wa Hilikia, nga n'eyalabiriranga ekisaagaati kya kyabazinga, ni Shebuna eyali omughandiisi w'omu kisaagaati kya kyabazinga, era ni Yoa mutabane wa Asafu, nga n'eyali omukuumi w'ebighandiiko, baaja eri Kyabazinga Hezekia nga bakanwirekanwire ebivaalo byaibwe olw'okunakughala. Baamukobera omukungu w'e Assiria bye yakoba.

2 Bakyabazinga 5:6

Embaluwa ye yatwalira kyabazinga wa Isiraeli ng'ekoba eti: “Embaluwa eno bw'ekutuukaku, manha nga ninze ntumye Naamani omugheereza wange aidhe y'oli, osobole okumuwonia endwaire ye ey'ebigenge.”

Yeremia 36:24

Aye k'abe kyabazinga mwene, oba abakungu be abaawulira ebyo nga bisomebwa, tighaaligho naire omulala ati eyatya oba eyakanulamu ebivaalo bye okwoleka nga bw'anakughaire.

Danieli 2:11

Isebantu kyabazinga, ekyo ky'oli kutukoba okukola kikalangufu inho era ghazira muntu asobola kukikukobera, okutoolaku bakatonda bonka. Aye ate bakatonda abo tibaba mu ife, ife abantu obuntu.”

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Okubala 14:6

Aye Yoshua mutabane wa Nuni, ni Kalebu mutabane wa Yefune, abaali ku abo abaaja okukeeta, baakanulamu ebivaalo byaibwe olw'okunakughala.

Matayo 26:65

Agho Omukulu wa Bakabona yaakendebula ebivaalo bye, era yaakoba ati: “Avumye Katonda! Tukaayenderaki abadhulizi? Mumaze okuwulira bw'avuma Katonda!

Luka 11:54

nga bamutega bamugemye mu by'ayogera.

Ebikolwa by'Abatume 14:14

Aye Abatume Barunaba ni Paulo bwe baawulira ekyo, baakanula ebivaalo byaibwe, baalumuka, beekuba mu bantu baayasiikana bati:

Amateeka Agokubiri 32:29

Ngoli baali n'amagezi banditegeire ekibaleeteire abazigu okubaghangula.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

1 Samueli 2:6

Musengwa Katonda aita era yaizaagho obulamu; aserengesa omuntu ghansi e magombe, era yaamuzuukiza okuva e magombe.