2 Bakyabazinga 5:27 - Baibuli Ekibono kya Katonda 2014

²⁷ Kale ni endwaire ey'ebigenge eya Naamani eidha kukugema, era egemenga n'ab'eizaire lyo ebyanda n'ebyanda.” Gehazi yaja okuva aghaali Elisha ng'ali n'endwaire ey'ebigenge, nga mweru ng'oti mugozi.

2 Bakyabazinga 5:27 ပူးပေါင်းရင်းမြစ်များ

2 Samueli 3:29

Yoabu n'ab'endhu ya ise boonaboona, n'ababe bavunaanibwenga omusango ogwo. Mu buli luse olw'ab'endhu eyo mugwananga mwabaamu ali n'endwaire ey'okutoonha okuva mu bitundu eby'ekyama, oba ali n'endwaire ey'ebigenge, oba omulema azira ky'aghanga, oba aitibwa mu lutalo, oba abulwa emere.”

2 Bakyabazinga 15:5

Agho Musengwa Katonda yaaleetera Uzzia okulwala endwaire ey'ebigenge, yaaba nayo okutuusa lwe yafa. Yaabanga mu ndhu yiye yenka. Mutabane we Yothamu yaasigala nga n'alabirira ekisaagaati kye eky'obwakyazinga, era nga n'afuga ensi eyo.

2 Bakyabazinga 5:1

Agho olwatuuka ghaabaagho omusaadha nga ni Naamani, eyali omuduumizi w'eigye lya kyabazinga wa Siria. Naamani oyo yali muntu wa kitiibwa era ng'asiimibwa inho musengwa we, kuba olwa Naamani oyo, Musengwa Katonda yagha Siria obughanguzi. Naamani yali musaadha wa maani aziramu ntete naire, aye yali n'endwaire ey'ebigenge.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okuvaayo 4:6

Kabiri Musengwa Katonda yaamukoba ati: “Ingiza omukono gwo mu kanzu yo.” Era Musa yaakola atyo. Yaja okugutoolamu nga gwidhieku ebigenge era nga gweruukiriire ng'oti mugozi.

Hosea 10:13

Aye ate mwasiga kukola bibi, mwakungulamu obutakola mazima, era mwalya ebibala ebiva mu buguyaguya; kuba mwesiga ebigaali byaimwe eby'omu lutalo, n'abalwani baimwe olukunkumuli.

Abalevi 13:10

yaamwekebeedha. Bw'anaabanga n'obuzimbu nga bweruukiriire ku mubiri, nga bweruukiriiza n'obuviiri era ng'omubiri gwesazesaze aghazimbye,

Abalevi 13:25

kabona anaamwekebeedhanga. Obuviiri mu kifo ekyo bwe bunaayeruukiriranga era ni kiboneka nga gheesimye mu mubiri, eyo nga n'endwaire ey'ebigenge efulumiire aghaayokebwa. Kabona anaamulangiriranga ati tiimulongoofu.

Okubala 12:10

Ekire kire bwe kyava ku Weema eyo, okuja okubona nga Miriamu aidhwire endwaire ey'ebigenge, era ng'apaaluuse ng'oti mugozi. Aaroni bweyamulingaku n'abona nga yeenayeena aidhwire endwaire eyo,

Ebikolwa by'Abatume 5:10

Mangu ago yaagwa aghali Petero yaafa. Abaisuka bwe baidha baayagaana nga mufu, baamutwala baamuziika okuliiraana n'iba.

Ebikolwa by'Abatume 5:5

Anania olwawulira ebibono ebyo, yaagwa yaafa. Boonaboona abaakiwulira baatya inho.

Ebikolwa by'Abatume 8:20

Aye Petero yaamwiramu ati: “Zikirira n'empiiya dho, kuba odhuuba okufuna ekirabo kya Katonda ng'okigula n'empiiya dho!

1 Timotheo 6:10

Kuba okwenda einho empiiya, n'ekikolo okusibuka ebibi byonabyona. Era okuba n'amairu gaadho amangi kuleeteire abandi okudaaliima n'okuva ku kwikiriza, beereetera okudaagadaaga okw'amaani.

Yoshua 7:25

Bwe baatuuka eyo Yoshua yaakoba Akyani ati: “Lwaki watuleetaku obuzibu obwaga agho? Leka buti weena Musengwa Katonda akuleeteku obuzibu!” Agho abantu boonaboona baakuba Akyani amabaale yaafa. N'ab'omu maka ge boona baabakuba amabaale baafa, era baabookya n'ebyaibwe byonabyona.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.