2 Bakyabazinga 5:25 - Baibuli Ekibono kya Katonda 2014

²⁵ Yaingira mu ndhu, yaayemerera mu maiso ga Elisha musengwa we. Elisha yaamubuuza ati: “Ova gha, Gehazi?” Gehazi yairamu ati: “Nze omugheereza wo nkaali kujaaku ghantu woonawoona.”

2 Bakyabazinga 5:25 ပူးပေါင်းရင်းမြစ်များ

Amainhama 16:8

Malaika yaamubuuza ati: “Hagari, omwiru wa Sarai, ova gha era oja gha?” Yairamu ati: “Ndi kulumuka ku musengwa wange Sarai.”

Amainhama 4:9

Agho Musengwa Katonda yaabuuza Kaini ati: “Muganda wo Abeli ali gha?” Kaini yairamu ati: “Tiidhi ninze omukuumi wa muganda wange?”

2 Bakyabazinga 20:14

Agho Isaia omulanzi yaidha eri kyabazinga Hezekia, yaamubuuza ati: “Abasaadha bano baviiriire gha okwidha y'oli era bakobye ki?” Hezekia yairamu ati: “Baviire mu nsi ey'eghala, e Babilonia.”

2 Bakyabazinga 5:22

Gehazi yairamu ati: “Busa, ezirayo kizibu. Aye musengwa wange antumye nkukobe nti, ‘Mu kaseera kano abaisuka babiri ku b'omu kikunsu ky'abalanzi, bava kwidha ye ndi nga baviira mu kiketezo kya Efuraimu eky'ensozi. Nkweghemba obampeere ebitundu bya feeza enkumi isatu (3,000), n'ebivaalo ebirungi bibiri.’”

2 Ebyomubyanda 26:19

Agho Uzzia yaasungughalira bakabona. Yali ayemereire agho mu isinzizo okuliiraana ni alutaari eniokezebwaku obubbaani, ng'agemye n'ekintu ekiniokezebwamu obubbaani. Bwe yasungughalira bakabona atyo, endwaire ey'ebigenge yaamufukumuka mu kyeni nga bakabona abo babona.

Ensambo 30:20

Eno n'enkola ey'omukazi omwenzi: bw'amala okwenda anaaba yeenhiriza, era yaakoba mule ati: ‘Ghazira kibi kye nkoze.’

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Matayo 26:21

Bwe baali bali kulya yaakoba ati: “Bwenebwene ka mbakobere, mulala ku imwe aidha kumpaayo.”

Yoanne 13:2

Yesu n'Abeegeresebwa be baali balya ekyeigulo, era Sitaani yali amaze okuta mu mwoyo gwa Yuda Isikarioti mutabane wa Simoni ekidhuubo eky'okulya mu Yesu olukwe.

1 Samueli 10:14

Muganda wa lata wa Saulo, yaabuuza Saulo n'omugheereza we ati: “Mwabaire mujiire gha?” Saulo yaamwiramu ati: “Twabaire tujiire kwagala ndogoyi. Aye bwe twaboine nga tidhiboneike, twaja eri Samueli.”