2 Bakyabazinga 5:23 - Baibuli Ekibono kya Katonda 2014

²³ Naamani yaakoba ati: “Ganha otwale ebitundu bya feeza kakaaga (6,000).” Yaamwegayirira inho, era yaasiba ebitundu bya feeza ebyo mu nsawo ibiri ghalala n'ebivaalo bibiri ebirungi, byonabyona yaabitwika abagheereza be, baabitwala nga bakulembeiremu Gehazi.

2 Bakyabazinga 5:23 ပူးပေါင်းရင်းမြစ်များ

Amainhama 33:11

Nkweghembye, ganha otwale ekirabo kino kye nkuleeteire, kuba Katonda yangemerwa ekivunika yampa byonabyona bye neetaaga.” Yakobo yaayongera okumweghemba okutuusa Esau lwe yaganha.

1 Bakyabazinga 20:7

Agho kyabazinga wa Isiraeli yaayeta abakulembeze boonaboona mu ighanga, yaabakoba ati: “Bwenebwene mugwaine mukimanhe nti omusaadha ono ali kutusonsoonia, kuba yansindikira abakwenda mbu mmughe abakazi bange, n'abaana bange, ni feeza wange, ni zaabu wange. Era tyamulobera naire.”

2 Bakyabazinga 12:10

Bwe baabonanga nga mu sanduuku mughezeemu empiiya kamaala, omughandiisi wa kyabazinga n'Omukulu wa Bakabona baidhanga, baabala empiiya edho dhe baagaine mu isinzizo, baadhisiba mu bisawo.

2 Bakyabazinga 2:17

Aye baayongera okumupikiriza okutuusa ensoni lwe dhaamugema n'akoba ati: “Kale mubatume.” Agho baatuma abasaadha amakumi ataanu, baayagala Eliya okumala enaku isatu, aye baalemwa okumubona.

2 Bakyabazinga 5:16

Elisha yaakoba ati: “Ndayira mu Musengwa Katonda omulamu ye mpeereza nti tiidha kubaaku kintu kye ntwala waire ekirala.” Naamani yaamwegayirira inho akitwale, aye yaaloba.

2 Bakyabazinga 5:5

Kyabazinga wa Siria yaakoba ati: “Kale ja. Ndidha kughandiikira kyabazinga wa Isiraeli embaluwa ogimutwalire.” Agho Naamani yaaja ng'atwaire n'ebitundu bya feeza enkumi isatu (3,000), n'ebya zaabu kakaaga (6,000), era n'ebivaalo ikumi ebirungi.

2 Bakyabazinga 6:3

Omulala ku abo yaakoba ati: “Nkweghemba oganhe oje n'ife abagheereza bo.” Elisha yairamu ati: “Kale tuje.”

Isaia 30:6

Buno n'obukwenda bwa Katonda obugema ku nsolo edh'omu kiketezo ekikalukalu eky'oku luuyi olw'omukono omusaadha olw'e buvandhuba: “Abakwenda ba Buyudaaya babita mu nsi eidhwire ebizibu ebitiisa, erimu empologoma n'emisota egy'obusagwa egya buli nsambo, nga n'omuli n'egyo egiguluka ng'oti nhonhi. Batwika eby'obukombe byaibwe ku ndogoyi ni ku mabbango g'engamiya, baabitwalira abantu abatasobola kubagasa naire.

Luka 11:54

nga bamutega bamugemye mu by'ayogera.