2 Bakyabazinga 5:22 - Baibuli Ekibono kya Katonda 2014

²² Gehazi yairamu ati: “Busa, ezirayo kizibu. Aye musengwa wange antumye nkukobe nti, ‘Mu kaseera kano abaisuka babiri ku b'omu kikunsu ky'abalanzi, bava kwidha ye ndi nga baviira mu kiketezo kya Efuraimu eky'ensozi. Nkweghemba obampeere ebitundu bya feeza enkumi isatu (3,000), n'ebivaalo ebirungi bibiri.’”

2 Bakyabazinga 5:22 ပူးပေါင်းရင်းမြစ်များ

1 Bakyabazinga 13:18

Agho omulanzi omukaire ow'e Betheli yaamukoba ati: “Zeena ndi mulanzi ng'oti niiwe. Musengwa Katonda yalagiire malaika yankoba ati, ‘Ja omwize, aidhe n'iwe mu ndhu yo, alye ku mere era anhwe ni ku maadhi.’ ” Aye nga yali ali kumulimba.

1 Bakyabazinga 20:35

Agho omusaadha mulala ku balanzi, nga Musengwa Katonda n'amulagiire, yaakoba mwine ati: “Nkweghembye nkuba.” Aye mwine yaaloba.

1 Bakyabazinga 20:39

Kyabazinga bweyali ng'ali kubitagho, omulanzi oyo yaamweta ng'akoba ati: “Isebantu kyabazinga, nze omugheereza wo bwe nali nga ndi kulwana mu lutalo, omwisirukale mulala yaava ere yandeetera omusaadha, era yankoba ati, ‘Kuuma omusaadha ono. Aye bwe kalikutanda n'akweibaku, obulamu bwo bw'olisasulamu obubwe, oba olirigha ebitundu bya feeza lukumi (1,000).’

2 Bakyabazinga 2:15

Abalanzi abaali e Yeriko bwe baamubona, baakoba bati: “Obuyinza bwa Eliya buli ku Elisha.” Agho baidha okumweisuusaayo, era baakuba amakiryaivu agho mu maiso ge,

2 Bakyabazinga 2:3

Agho ekikunsu eky'abalanzi abaali e Betheli baidha ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 2:5

Agho ekikunsu eky'abalanzi abaali e Yeriko baaseeta ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 2:7

baatuuka baayemerera ku mbali kw'omwiga Yorudani. Abalanzi amakumi ataanu okuva mu kikunsu ky'abalanzi, boona baaja, baayemerera nga ghakaalighooku akata okutuuka ku Eliya ni Elisha.

2 Bakyabazinga 4:26

Lumuka embiro omwagaane, omubuuze oti, ‘Oli bukalamu? Ni balo mukalamu? N'omwana mukalamu?’ ” Omukazi yairamu ati: “Tuli bukalamu.”

2 Bakyabazinga 5:21

Kale Gehazi oyo yaalumuukirira Naamani. Naamani bwe yabona omuntu ali kumulumuukirira ng'amuvaaku einhuma, yaava mu kigaali eky'omu lutalo okumubona. Yaamubuuza ati: “Eriyo ekizibu?”

2 Bakyabazinga 5:25

Yaingira mu ndhu, yaayemerera mu maiso ga Elisha musengwa we. Elisha yaamubuuza ati: “Ova gha, Gehazi?” Gehazi yairamu ati: “Nze omugheereza wo nkaali kujaaku ghantu woonawoona.”

2 Bakyabazinga 5:5

Kyabazinga wa Siria yaakoba ati: “Kale ja. Ndidha kughandiikira kyabazinga wa Isiraeli embaluwa ogimutwalire.” Agho Naamani yaaja ng'atwaire n'ebitundu bya feeza enkumi isatu (3,000), n'ebya zaabu kakaaga (6,000), era n'ebivaalo ikumi ebirungi.

Isaia 59:3

Muli n'omusango kuba mwogera eby'obuguya, era mwakola ebikolwa eby'obukambwe n'obutemo.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Yeremia 9:5

Buli muntu aguya mwine, ezira ayogera bya mazima. Baanalirira kwogera bya buguya byereere, era tibalekera kwonoona ni beenenia.

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

Yoshua 24:33

Mu biseera ebyo, Eleazari mutabane wa Aaroni yeena yaafa, era baamuziika kumpi n'ekibuga Gibea ekiri mu kiketezo eky'ensozi eky'Abaefuraimu, ekibuga ekyo nga kyagheebwa mutabane we Finehasi.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Abalamuzi 14:12

Agho Samusoni yaabakoba ati: “Ka mbaghe ekikoiko. Bwe munaasobola okukiita ng'enaku omusanvu edh'embaga dhikaali kuwaaku, ndidha kubagha engoye empegheevu amakumi asatu, n'ebivaalo eby'oku mbaga amakumi asatu.