2 Bakyabazinga 5:20 - Baibuli Ekibono kya Katonda 2014

²⁰ Gehazi omugheereza wa Elisha omuntu wa Katonda, yaakoba mule ati: “Bona, musengwa wange alese Naamani Omusiria yaaja, nga tamutoireeku ebyo bye yaleeta! Ndayira mu Musengwa Katonda omulamu nti ndidha kumulumuukirira mbeeku ni kye mmutoolaku.”

2 Bakyabazinga 5:20 ပူးပေါင်းရင်းမြစ်များ

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

2 Bakyabazinga 13:19

Omuntu wa Katonda oyo Elisha yaasungughalira kyabazinga, yaamukoba ati: “Wandibaire okubye emikuzi etaanu oba mukaaga. Olwo wandibaire okubye Abasiria okutuusa lwe wandibazikiriiza. Aye mpegaano oja kubaghangula bwa mikuzi esatu gyonka.”

2 Bakyabazinga 4:12

Agho yaakoba Gehazi omugheereza we ati: “Yeta Omushunami oyo.” Gehazi yaayeta omukazi, yaidha yaayemerera agho.

2 Bakyabazinga 4:25

Kale yaaja yaatuuka y'Elisha omuntu wa Katonda, ku lusozi Karumeli. Omuntu wa Katonda bwe yalengera omukazi oyo ng'akaaliku ghala, yaakoba Gehazi omugheereza we ati: “Omukazi Omushunami wuule!

2 Bakyabazinga 4:31

Gehazi yaaja yaabeesookangayo, yaata omwigo ku mwana, aye omwana yaaloba kwesagasa waire okubaamu akakuba. Gehazi yairayo y'Elisha, yaamukobera ati: “Omwana tazuuse.”

2 Bakyabazinga 4:36

Elisha yaayeta Gehazi, yaamukoba ati: “Yeta Omushunami oyo.” Gehazi yaamweta. Era omukazi bwe yaidha, Elisha yaamukoba ati: “Omwana wo wuuyo.”

2 Bakyabazinga 5:16

Elisha yaakoba ati: “Ndayira mu Musengwa Katonda omulamu ye mpeereza nti tiidha kubaaku kintu kye ntwala waire ekirala.” Naamani yaamwegayirira inho akitwale, aye yaaloba.

2 Bakyabazinga 5:21

Kale Gehazi oyo yaalumuukirira Naamani. Naamani bwe yabona omuntu ali kumulumuukirira ng'amuvaaku einhuma, yaava mu kigaali eky'omu lutalo okumubona. Yaamubuuza ati: “Eriyo ekizibu?”

2 Bakyabazinga 6:31

Kyabazinga oyo yaakoba ati: “Katonda agwananga yambonereza n'obukambwe, Elisha mutabane wa Safati bwe bataamutemeku mutwe olwaleero.”

2 Bakyabazinga 8:4

Yaayagaana nga kyabazinga ali kwogera ni Gehazi omugheereza wa Elisha omuntu wa Katonda, ng'ali kukoba ati: “Nkobera byonabyona eby'amaani Elisha bye yakola.”

2 Bakyabazinga 8:7

Agho Elisha yaaja e Damasiko. Mu kiseera ekyo Benihadadi kyabazinga wa Siria yali mulwaire. Bwe baakobera Benihadadi oyo bati: “Omuntu wa Katonda aidhie kuno,”

Zabbuli 10:3

Omukozi w'ebibi yeesaakiriza olw'okwegomba kwe okubi, era omuntu oyo agwidhubanira eby'okufuna, ayogera bubi ku Musengwa Katonda era yaamunhooma.

Okuvaayo 20:17

“Muteegwanizanga ndhu dha bantu bandi. Muteegwanizanga baka beene, waire okwegwaniza abairu baibwe abasaadha oba abakazi, waire ente dhaibwe, oba endogoyi dhaibwe, oba ebintu byaibwe ebindi byonabyona.”

Okuvaayo 20:7

“Mutakozesanga liina lyange nze Musengwa Katonda waimwe mu bya matamatama, kuba tija kuloba kubonereza oyo yeenayeena akozesa eriina lyange obubi.

Ensambo 26:16

Omugayaavu yeebona nga mugezi, okuwula abantu omusanvu abasobola okumwiramu obukalamu.

Isaia 48:1

Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Habakkuku 2:9

Mukagwireku, imwe abakombaghaza ab'omu ndhu dhaimwe nga munhaga ebintu eby'abantu abandi. Era ni muzimba endhu dhaimwe mu bifo ebitatuukikamu, nga mugenderera okwewonia.

Matayo 10:4

Simoni Omukananayo ni Yuda Isikarioti eyamulyamu olukwe.

Matayo 26:9

Omuzigo ogwo gwandibaire gusobola okutanibwamu empiiya kamaala, dhaagheebwa abaavu.”

Luka 12:15

Agho yaabakoba ati: “Mwegendereze era mweghale okululunkanira ebintu kwonakwona kuba obulamu obw'omuntu tibuli mu kuba na bintu ni bwe biba kamaala bitya.”

Luka 16:8

“Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.

Yoanne 13:2

Yesu n'Abeegeresebwa be baali balya ekyeigulo, era Sitaani yali amaze okuta mu mwoyo gwa Yuda Isikarioti mutabane wa Simoni ekidhuubo eky'okulya mu Yesu olukwe.

Yoanne 6:70

Yesu yairamu ati: “Ti ninze eyabalonda imwe Eikumi n'Ababiri? Ate owundi ku imwe Sitaani!”

Ebikolwa by'Abatume 5:2

Ekimega ku byavaamu yaakisigaza nga mukazi we aidhi, yaaleetaku ekimega yaakigemya Abatume.

2 Timotheo 4:10

kuba Dema olw'okugonza einho eby'oku nsi kuno yandekulira agho, yaaja e Thessalonika. Kuresike yaja Galatia ate Tito yaaja e Dalumatia.

Tito 1:7

Omulabirizi nga bw'ali nti n'alabirira emirimo gya Katonda, tateekwa kuba na kimunenezebwa. Tateekwa kuba mudhoozi, waire asungughala amangu, waire omutamiivu, oba omukambwe, era nga tagwidhubanira bya kufuna.

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

1 Samueli 14:39

Ndayira Musengwa Katonda omulamu alokola Isiraeli nti, ekibi ekyo ni bwe kiba nga kikoleibwa mutabane wange Yonathani, bwenebwene aidha kwitibwa.” Aye mu bantu boonaboona ghazira yamwiramu.