2 Bakyabazinga 5:16 - Baibuli Ekibono kya Katonda 2014

¹⁶ Elisha yaakoba ati: “Ndayira mu Musengwa Katonda omulamu ye mpeereza nti tiidha kubaaku kintu kye ntwala waire ekirala.” Naamani yaamwegayirira inho akitwale, aye yaaloba.

2 Bakyabazinga 5:16 ပူးပေါင်းရင်းမြစ်များ

1 Bakyabazinga 13:8

Omulanzi yaakoba kyabazinga ati: “Ni bwetugabaniramu ghagati obukombe bwonabwona obw'omu kisaagaati kyo, tiidha kuja n'iwe, waire okulya emere, oba okunhwa amaadhi mu kifo kino.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:15

Eliya yaakoba ati: “Ndayira mu Musengwa Katonda omulamu Afuga Amagye, ye mpeereza, nti bwenebwene ndidha kweyolekera kyabazinga olwaleero.”

2 Bakyabazinga 3:14

Elisha yaakoba ati: “Ndayira mu Musengwa Katonda omulamu Afuga Amagye ye mpeereza, nti ngoli ti kugemerwa nsoni Yehoshafati kyabazinga wa Buyudaaya, tyandikufiireku naire, waire okukulingaku obulinge.

2 Bakyabazinga 5:20

Gehazi omugheereza wa Elisha omuntu wa Katonda, yaakoba mule ati: “Bona, musengwa wange alese Naamani Omusiria yaaja, nga tamutoireeku ebyo bye yaleeta! Ndayira mu Musengwa Katonda omulamu nti ndidha kumulumuukirira mbeeku ni kye mmutoolaku.”

2 Bakyabazinga 5:26

Aye Elisha yaamukoba ati: “Tibaire n'iwe mu mwoyo, omusaadha bw'aviire mu kigaali kye eky'omu lutalo okukubona? Kino n'ekiseera okwefunira empiiya n'ebivaalo, amasamba g'emiti emyoliva n'ag'emizabbibu, entaama n'ente, oba abairu abasaadha n'abairu abakazi?

Danieli 5:17

Agho Danieli yaamwiramu ati: “Isebantu kyabazinga, ebirabo byo bisigaze iwe mwene, oba obighe omuntu owundi. Aye nze ndidha kukusomera ekighandiiko ekyo, nkukobere n'amakulu gaakyo.

Matayo 10:8

Abalwaire mubawonianga, abafu mubazuukizanga, abali n'endwaire ey'ebigenge mubalongoosanga, emizimu emibi mugibinganga. Mwafuna kya busa mwena mukigheerenga busa.

1 Ab'e Korintho 6:12

Owundi akoba ati: “Ndhikirizibwa okukola buli kintu kyonakyona.” Aye ti kiri nti buli kintu kikuyamba. Nsobola okukoba nti: “Ndhikirizibwa okukola buli kintu kyonakyona,” aye tija kuganha kuba mwiru afugibwa kintu kyonakyona.

2 Ab'e Korintho 12:14

Mperaano guno n'omukuzi ogwokusatu nga neetegekanga okwidha eyo era tiidha kubakaluubiriza, kuba imwe beene niimwe be nhenda, se ti bintu byaimwe. Kuba era abaana ti n'abagwaine okulabirira abazaire, aye abazaire n'abali n'okulabirira abaana baibwe.