2 Bakyabazinga 5:15 - Baibuli Ekibono kya Katonda 2014

¹⁵ Yairayo y'omuntu wa Katonda ghalala ni be yali nabo boonaboona, yaayemerera mu maiso ge, yaakoba ati: “Bona, mpegaano ntegeereire irala nga mu nsi muzira katonda wundi okutoolaku Katonda wa Isiraeli. Kale ganha nze omugheereza wo nkughe ekirabo kye nkuleeteire.”

2 Bakyabazinga 5:15 ပူးပေါင်းရင်းမြစ်များ

Amainhama 33:11

Nkweghembye, ganha otwale ekirabo kino kye nkuleeteire, kuba Katonda yangemerwa ekivunika yampa byonabyona bye neetaaga.” Yakobo yaayongera okumweghemba okutuusa Esau lwe yaganha.

1 Bakyabazinga 13:7

Kyabazinga yaakoba omulanzi ati: “Idha tuje eka ewange, olye ku mere oiremu amaani, era ndidha kukugha n'ekirabo.”

1 Bakyabazinga 18:36

Ekiseera eky'okughaayo ekigheebwayo ekyeigulo bwe kyatuuka, Eliya omulanzi yaaseeta kumpi ni alutaari, yaakoba ati: “Wo Musengwa Katonda, Katonda wa Aburahamu, owa Isaaka, era owa Yakobo, olwaleero ka bakimanhe nga niiwe Katonda mu Isiraeli, era nga nze ndi mugheereza wo, era nga bino byonabyona mbikoze nga iwe omaze kundagira.

2 Bakyabazinga 19:15

yaasaba Musengwa Katonda ng'akoba ati: “Wo Musengwa Katonda, Katonda wa Isiraeli, iwe atyama ku bitonde eby'amaghagha ebyetebwa bikerubi, niiwe Katonda wenka. Niiwe wenka afuga obwakyabazinga bwonabwona ku nsi. Era niiwe watonda eigulu n'ensi.

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

2 Bakyabazinga 5:8

Elisha omuntu wa Katonda bwe yawulira nga kyabazinga wa Isiraeli akanwiremu ebivaalo bye olw'okusoberwa, yaamusindikira obukwenda ng'akoba ati: “Lwaki okanwiremu ebivaalo byo n'osoberwa otyo? Iwe muleke aidhe ye ndi aghange okumanha nga mu Isiraeli mulimu omulanzi.”

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Isaia 44:8

Mutatya era mutawaamu maani. Mukiidhi bukalamu ng'okuva eira n'eira n'okutuusa ye buli eno, mbairenga mbakobera ebiribaagho. Era niimwe abadhulizi bange. Ate eriyo ekyetebwa katonda okutoolaku nze? Ninze zenka ali ng'oti n'olubaale mwe mwewogoma, ezirayo wundi ye ndidhi.”

Isaia 45:6

Kino nkikoze, abantu boonaboona okuva e buvandhuba okutuuka e bugwandhuba, basobole okumanha nga ninze Musengwa Katonda zenka, ezirayo Katonda wundi naire.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 3:29

“Kale ni mpegaano ndi kugha ekiragiro nti: abantu boonaboona, abava mu maghanga goonagoona, era aboogera enimi dhoonadhoona, bwebanaayogera ekibi kyonakyona ku Katonda wa Shaduraka, ni Meshaki, ni Abedinego, ndidha kulagira babatemeteme, emigulu gigwe ghaagyo n'emikono gigwe ghaagyo. Era endhu dhaimwe baidha kudhizikiriza dhifuuke bifulukwa byereere; kuba ezirayo katonda asobola kuwonia bantu be mu nsambo ng'oti n'eyo.”

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Ab'e Roma 10:10

Kuba omuntu aikiriza na mwoyo gwe okugheebwa obutuukirivu, era ayatula na munwa gwe okulokoka.

2 Ab'e Korintho 9:5

Kale nakibona nga kikalamu okukoba aboluganda bano bansooke okwidha eyo, bategekere irala ekirabo kye mwasuubiza. Nze nje okwidha nga kirigho, kino kyoleke nga mugaba lwa kweyendera aye ti lwa nnaakola ntya.

Yoshua 9:24

Baamwiramu bati: “Ekyatukoza ekyo lwa kuba ife abagheereza bo twawulira aghazira kubuusabuusa, nga Musengwa Katonda waimwe yalagira omugheereza we Musa, okubagha ekiketezo kino kyonakyona, era n'okuzikiriza abantu baamu boonaboona kiisi ye munaabanga muja. Kale twatya inho nga mwidha kutwita.

Yoshua 9:9

Agho baamukoba bati: “Tuva ghala inho aye olw'okuba twawulira ku bintu Musengwa Katonda waimwe by'akola, kye tuviire ni twidha.

1 Samueli 25:27

Era mperaano, musengwa wange, ekirabo kino nze omugheereza wo omukazi kye nkuleeteire, kighe abasaadha bo.

1 Samueli 9:7

Saulo yaabuuza omugheereza we ati: “Bwe tunaaja y'ali tunaamutwalira kirabo ki? Ensawo dhaife dhiwoiremu emere, ate tuzira kintu kyonakyona kya kumugha. Kiki kye tuli nakyo ghano?”