2 Bakyabazinga 5:14 - Baibuli Ekibono kya Katonda 2014

¹⁴ Agho Naamani yaaserengeta, yaaja yeinhika mu mwiga Yorudani emikuzi musanvu, ng'Elisha omuntu wa Katonda bwe yamukoba. Era omubiri gwe gwaira buto ng'oti gwa mwana muto, yaaba mulongoofu.

2 Bakyabazinga 5:14 ပူးပေါင်းရင်းမြစ်များ

1 Bakyabazinga 17:16

Obuwunga obw'engaano tibwawa mu kaibo, n'akadoome tikaawaamu muzigo, nga Musengwa Katonda bwe yakoba ng'abita mu Eliya.

2 Bakyabazinga 4:35

Elisha yaasooka yaasitukagho yaatambulatambula mu kisenge omwo, ate kabiri yaamala yairayo yeegololera ku mwana. Omwana yaayasimula emikuzi musanvu, yaazibula amaiso.

2 Bakyabazinga 5:10

Elisha yaamutumira omukwenda okumukoba ati: “Ja onaabe emikuzi musanvu mu mwiga Yorudani, oidha kuwona obe mulongoofu.”

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Yobu 31:13

“Bwemba nga naloba okuwulirisa omwiru wange k'abe omusaadha oba omukazi ng'aneemuluguunhiiza,

Yobu 33:25

Leka omubiri gwe gwire buyaaka ng'oti gwa mwana muto, airemu amaani ng'ag'omu buvubuka bwe.’

Okuvaayo 4:7

Agho Musengwa Katonda yaakoba Musa ati: “Ingiza kabiri omukono gwo mu kanzu yo.” Musa yaingiza omukono gwe mu kanzu, mu kugutoolamu yaja okubona nga gwizeegho, nga guli ng'oti n'omubiri gwe ogundi gwonagwona.

Ensambo 9:9

Bw'ogalagira omuntu omugezi yeeyogeraku okuba omugezi. Bw'oyegeresa omuntu akola ebituufu yeeyongeraku okwega.

Abalevi 13:58

Aye bw'anaakyozanga ekimyamya ni kiwaamu, anairangamu okukyoza kabiri era kyabalibwa nga kirongoofu.”

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Zekaria 14:8

Mu kiseera ekyo amaadhi amalungi galikuuluula nga gava mu Yerusalemu. Galyegabamu ghabiri agandi gaaja mu nhandha eri e buvandhuba, ate agandi gaaja mu nhandha eri e bugwandhuba. Galikuuluula omwaka gwonagwona nga tigalekera, ka bibe ebiseera eby'akasana oba eby'ekiinhogogo.

Luka 4:27

Ate era ab'endwaire ey'ebigenge baali kamaala mu Isiraeli mu byanda bya Elisha omulanzi. Aye era ku abo ghazira naire mulala eyawonezebwa okutoolaku Naamani Omusiria.”

Luka 5:13

Yesu yaagolola omukono yaamugemaku yaakoba ati: “Nhenda, wona!” Era mangu ago ng'endwaire ey'ebigenge emuleka.

Yoanne 2:5

Aye inhina yaakoba abagheereza ati: “Ky'abakoba kyonakyona kye mube mukole.”

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Yoshua 6:4

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.