2 Bakyabazinga 5:12 - Baibuli Ekibono kya Katonda 2014

¹² Ate n'ekindi, emiiga Abana ni Farupari egy'e Damasiko giziramu maadhi agasinga amaadhi ag'omu Isiraeli goonagoona obulungi? Tisobola kunaaba omwo ni mba mulongoofu?” Kale yaakyuka yaagolola, nga musungughavu inho.

2 Bakyabazinga 5:12 ပူးပေါင်းရင်းမြစ်များ

2 Bakyabazinga 2:14

Yaakozesa ekivaalo ekyava ku Eliya ni kigwa, yaakuba ku maadhi ng'akoba ati: “Musengwa Katonda, Katonda wa Eliya, ali gha?” Bwe yakuba ku maadhi, geegabamu ghabiri ku luuyi ni ku luuyi, Elisha oyo yaasomoka.

2 Bakyabazinga 2:8

Agho Eliya yaagema ekivaalo kye, yaakizingamu, yaakikozesa okukuba ku maadhi, amaadhi geegabamu ghabiri ku luuyi ni ku luuyi, bombi baasomoka nga babita ku itaka ikalu.

2 Bakyabazinga 5:11

Aye Naamani yaasungughala inho, yaaja ng'akoba ati: “Bona, mbaire ndhuuba nti anaavaayo yaidha yaayemerera ghe ndi, yeeghemba Musengwa Katonda we era yaagheegheeta n'engalo dhe aghali obulwaire, yamponia endwaire ey'ebigenge.

2 Bakyabazinga 5:17

Agho Naamani yaakoba ati: “Oba olobye okutwala ekirabo, nkweghemba ompe eitaka erighanga okwetwikibwa enhumbu eibiri, nditwale ewaife, kuba okuva ni mpegaano, nze omugheereza wo tiidha kughangayo bigheebwayo byokebwa oba misengo eri musambwa waire omulala, okutoolaku eri Musengwa Katonda.

Ensambo 14:17

Omuntu asungughala amangu akola eby'ekisiru, aye omwegendereza aba muguminkiriza.

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Ensambo 19:11

Okutegeera kuleetera omuntu okulwagho okusungughala, era kiba kya kitiisa omuntu okusonigha abasobya.

Olwembo 4:8

Omugole wange, idha tuje, tuve ku nsozi dh'e Lebanoni; idha tuje, tuve mu Lebanoni. Vaayo ku mutwe ogw'olusozi Amani, ove n'eyo ku mitwe egy'ensozi Seniri ni Herimoni, eri empologoma n'empala.

Yeremia 49:23

Bino Musengwa Katonda bye yakoba ku Damasiko, ati: “Abantu b'omu bibuga Hamathi ni Arupadi beeraliikirivu era basobeirwa, kuba baawulira amawulire amabi agatiisa. Okweraliikirira kuli kubeefuukuula mu myoyo gyaibwe ng'oti kwefuukuula kwa nhandha. Era bazira miraala naire.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Zekaria 14:8

Mu kiseera ekyo amaadhi amalungi galikuuluula nga gava mu Yerusalemu. Galyegabamu ghabiri agandi gaaja mu nhandha eri e buvandhuba, ate agandi gaaja mu nhandha eri e bugwandhuba. Galikuuluula omwaka gwonagwona nga tigalekera, ka bibe ebiseera eby'akasana oba eby'ekiinhogogo.

Mariko 1:9

Agho Yesu yaidha ng'ava e Nazarethi eky'e Galilaaya, Yoanne yaamubatiza mu mwiga Yorudani.