2 Bakyabazinga 4:42 - Baibuli Ekibono kya Katonda 2014

⁴² Olundi ghaidhagho omusaadha eyava e Baali Shalisha ng'aleeteire mu nsawo ye ebirime ebisooka okukungulwa eri Elisha omuntu wa Katonda. Mwalimu obufaaganda obw'engaano ye baakakungula, n'emigaati amakumi abiri egya sayiri ye baasooka okukungula. Elisha yaakoba omugheereza we ati: “Ebyo bighe abantu balye.”

2 Bakyabazinga 4:42 ပူးပေါင်းရင်းမြစ်များ

1 Bakyabazinga 14:3

Mutwalire emigaati eminene ikumi, otwale ni ku migaati emitono, n'ekidoome eky'omudheenene gw'endhuki. Aidha kukukobera omwana bw'anaaba.”

2 Bakyabazinga 4:38

Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 5:5

Kyabazinga wa Siria yaakoba ati: “Kale ja. Ndidha kughandiikira kyabazinga wa Isiraeli embaluwa ogimutwalire.” Agho Naamani yaaja ng'atwaire n'ebitundu bya feeza enkumi isatu (3,000), n'ebya zaabu kakaaga (6,000), era n'ebivaalo ikumi ebirungi.

2 Bakyabazinga 7:1

Elisha yaakoba ati: “Muwulire Musengwa Katonda ky'akoba. Musengwa Katonda akoba ati, ‘Olwaidho mu kiseera ng'oti ni kino, ku mulyango ogwingira mu kibuga Samaria, kilo eisatu edh'obuwunga obuseereibwa obukalamu dhiidha kuba nga dhigula ekitundu kirala ekya feeza, ni kilo omukaaga edha sayiri dhoona dhiidha kuba nga dhigula ekitundu kirala kyonka ekya feeza.’ ”

Okuvaayo 23:16

“Ekibinuko eky'Amakungula n'ekyokubiri, ekibaagho nga muli kukungula bye mwasiga mu misiri gyaimwe ebisooka. “Ku nkomerero ey'omwaka munaakolanga ekibinuko ekyokusatu eky'okusololeza ebirime mu byagi, ekyetebwa Ekibinuko eky'Entindi.

Okubala 18:12

“Nkughaire ebirime ebisinga bulungi ebisooka okukungulwa Abaisiraeli bye bampa, era nga ni bino: omuzigo ogw'ebibala eby'emiti emyoliva, omwenge ogw'emizabbibu n'emere ey'empeke.

Okubala 18:13

Era nkughaire ebibala ebisooka okwenga mu misiri gyaibwe gyonagyona bye bandeetera nze Musengwa Katonda. Buli muntu yeenayeena ow'omu ndhu yo nga mulongoofu, anaabanga wa idembe okubiryaku.

Yoanne 6:13

Kale baasoloza, baidhuza ebiibo ikumi na bibiri eby'ebitundu eby'emigaati egya sayiri etaanu ebyalekebwagho, abantu bye bataalya.

Yoanne 6:9

“Ghaligho ghano omwisuka ali n'emigaati etaanu egya sayiri n'ebyenhandha bibiri, aye katyo ebyo bikola ki ku bantu kamaala batyo!”

1 Ab'e Korintho 9:11

Kale oba mu kubakobera ekibono twabasigamu ebibaganhula omwoyo, kiba kibi ife okubakungulamu ebituganhula omubiri?

Ab'e Galatia 6:6

Oyo ayegeresebwa ekibono, atoole ku bibye byonabyona agheeku oyo amwegeresa.

Amateeka Agokubiri 12:6

Eyo ye munaatwalanga ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebigheebwayo olw'okutuukiriza obweyamo, n'ebigheebwayo eby'ekyeyendere, n'ensolo dhaimwe edhizaalibwa mu luzaalo olusooka dhe mughaayo.

Amateeka Agokubiri 32:14

Ente dhaibwe dhaabagha omuzigo, n'embuzi dhaibwe dhaabagha amata. Baazaaza entaama ensavu einho, baafuna engaano enungi einho, baakunha omwenge ogw'emizabbibu omuka oguwooma.

Amateeka Agokubiri 8:8

Ensi eyo ebaza engaano, ni sayiri, n'emizabbibu, n'emitiini, n'emikomamawanga, n'emyoliva, era erimu omudheenene ogw'endhuki.

1 Samueli 9:4

Baabita mu kiketezo ky'ensozi ekya Efuraimu ni mu kiketezo eky'e Shalisha, aye baaloba kudhibona. Baabita mu kiketezo eky'e Shalimu, aye nga dhizirayo. Era baabita mu kiketezo ekya Benjamini, aye baaloba kudhaagaana yo.

1 Samueli 9:7

Saulo yaabuuza omugheereza we ati: “Bwe tunaaja y'ali tunaamutwalira kirabo ki? Ensawo dhaife dhiwoiremu emere, ate tuzira kintu kyonakyona kya kumugha. Kiki kye tuli nakyo ghano?”