2 Bakyabazinga 4:39 - Baibuli Ekibono kya Katonda 2014

³⁹ Omuntu owundi ku abo yaaja mu nsiko okunogayo eiva. Yaayagaana ekiryo eky'omu nsiko, yanogaku ebibala ebiri ng'oti mabuga. Yaatwalaku bingi nga bye yasobola okubbeeda, yaaja yaabisalirasalira mu ntamu erimu eby'okulya, aye nga tabiidhi.

2 Bakyabazinga 4:39 ပူးပေါင်းရင်းမြစ်များ

Amainhama 25:29

Lwali lulala Yakobo yaafumba ebidhandhaali, Esau yaira eka ng'ava mu nsiko, endhala ng'eri kumuluma inho.

1 Bakyabazinga 6:18

Embaawo dhe baaghemba ku bimante by'eisinzizo, dhaali nga dhitoneibwaku ebifaananie by'amabuga, n'ebimuli ebyandhulwiza. Munda mwonamwona, ebimante baabighembaku embaawo edh'emivule, ng'amabaale ge baazimbisa tigaboneka.

2 Bakyabazinga 4:38

Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 4:40

Agho baasenera abantu eby'okulya balye. Aye olwalyaku bati, baaleekaana bati: “Wo muntu wa Katonda, mu ntamu mulimu obutwa!” Era baaloba kwongera kulya.

Ensambo 19:2

Ti kirungi muntu kukola kintu nga tasoose kulowooza, era ole agwidhubana n'ebintu talwa kugwa mu nsobi.

Isaia 5:4

Kiki ekindi kye nali n'okukolera eisamba lyange eryo, kye ntaalikolera? Lwaki bwe nasuubira eisamba eryo okubaza emizabbibu emirungi, ate lyabaza bwa gikaagha ng'oti gya mu nsiko?

Yeremia 2:21

Ate nga nali mbasimbye ng'omuzabbibu ogw'embala, ogw'ensigo esingamu bulungi. Aye bona bwe mwonooneike ni mufuuka ng'oti n'omuzabbibu ogw'omu nsiko!

Matayo 15:13

Yesu yaabakoba ati: “Buli kisimbe ekitasimbwa Lata wange ow'omu igulu kiriighibwagho.

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.