2 Bakyabazinga 4:38 - Baibuli Ekibono kya Katonda 2014

³⁸ Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 4:38 ပူးပေါင်းရင်းမြစ်များ

Amainhama 25:29

Lwali lulala Yakobo yaafumba ebidhandhaali, Esau yaira eka ng'ava mu nsiko, endhala ng'eri kumuluma inho.

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

2 Bakyabazinga 2:1

Agho ekiseera nga kiri kumpi okutuuka Musengwa Katonda atwale Eliya mu igulu, ng'amutwalira mu mpewo eyeezungulula n'amaani, Eliya oyo ni Elisha baali nga bali kuva Giligali.

2 Bakyabazinga 2:3

Agho ekikunsu eky'abalanzi abaali e Betheli baidha ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 4:1

Agho namwandu ow'owundi ku b'ekikunsu ky'abalanzi, yaalirira Elisha ng'akoba ati: “Omugheereza wo, baze, yafa. Era oidhi omugheereza wo oyo nga bweyali atya Musengwa Katonda. Aye mpegaano omuntu eyali amubandha, aidhie okutwala abaana bange bombi abafuule abairu be.”

2 Bakyabazinga 4:39

Omuntu owundi ku abo yaaja mu nsiko okunogayo eiva. Yaayagaana ekiryo eky'omu nsiko, yanogaku ebibala ebiri ng'oti mabuga. Yaatwalaku bingi nga bye yasobola okubbeeda, yaaja yaabisalirasalira mu ntamu erimu eby'okulya, aye nga tabiidhi.

2 Bakyabazinga 8:1

Elisha yali akobye omukazi Omushunami mwene mwana Elisha oyo ye yaizaamu obulamu, ati: “Kola oje n'ab'endhu yo, obone y'onaaghanga okusenga, kuba Musengwa Katonda aja kusindika endhala ku nsi emale emyaka musanvu ng'eri kuluma.”

Yobu 30:4

Baanoganga ku bisaka amakaba g'ebimera; emizi egy'akeeyoyeyo gyabanga emere yaibwe.

Ensambo 8:34

Wa nkabi oyo awulira bye nkoba, buli lunaku n'atatoola maiso ku lwigi lwange, era n'aba agho gha mulyango gwange ng'aguniriire.

Ezekieli 11:3

nga bakoba bati, ‘Ekiseera eky'okuzimbiramu amayumba kinaatera okutuuka.’ Era bati, ‘Ekibuga kino n'ensaka efumba, ate ife niife emamba.’

Ezekieli 11:7

“Kale nze Musengwa Katonda kyenva nkoba nti ekibuga kino n'ensaka, era abantu be mutirimbula ni mubaleka omwo nga bagwire, n'emamba. Aye imwe ndibabinga naabafulumya mu kibuga kino.

Ezekieli 14:13

“Iwe omuntu, ensi bw'ekola ebibi n'ensungughaza ng'ezira bwesige ye ndi, ndigolola omukono gwange naagibonereza, naazikiriza emere yaayo, naagisindikira endhala era naita abantu baayo n'ensolo.

Ezekieli 24:3

Kale ni ja okobere eighanga eryo eidheemu olugero, oti Musengwa Katonda akoba ati: Ta sefuliya ku muliro, giteeku omale ogifukemu amaadhi.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Amosi 7:14

Amosi yairamu Amazia ati: “Nze tiri mulanzi akolerera empeera, waire okuba mu lulyo olw'abalanzi. Nze ndi mwayi era omulimi ow'emiti emitiini.

Mariko 6:37

Yesu yaabakoba ati: “Imwe mubaghe balye.” Baamukoba bati: “Tuje tugule emigaati egy'edinari ebikumi ebibiri (200) tubaghe balye!”

Luka 10:39

Ono yali ni muganda we nga bamweta Maria. Maria oyo yaatyama agho gha bigere bya Musengwa yaawulirisa by'akoba.

Luka 2:46

Nga ghabiseegho enaku isatu, baamwagaana mu isinzizo ng'atyaime ghagati mu beegeresa ng'abawulirisa, ate nga bw'ababuuza ebibuuzo.

Luka 4:25

“Aye mbakobera mu butuufu bwene: Mu byanda bya Eliya, banamwandu baali kamaala mu Isiraeli eigulu bwe lyesiba emyaka esatu n'emyezi omukaaga, endhala ey'amaani n'egwa mu nsi woonawoona.

Luka 8:35

Abantu baaja okubona ebibairegho, era bwe baatuuka aghali Yesu, baayagaana omusaadha eyavaaku emizimu ng'atyaime agho gha bigere bya Yesu ng'avaire era ng'ategeera bukalamu, baatya.

Luka 8:38

Omusaadha eyavaaku emizimu emibi yaamusaba abitenga naye aye Yesu yaamusiibula ng'akoba ati:

Luka 9:13

Aye Yesu yaabakoba ati: “Imwe mubaghe eky'okulya.” Baakoba bati: “Memale ife tuligho n'emigaati etaanu n'ebyenhandha bibiri, koodhi nga tuja twagula emere ey'abantu bano boonaboona?”

Yoanne 21:5

Yesu yaabakoba ati: “Abaana muligho n'eky'okulya?” Bairamu bati: “Busa.”

Yoanne 21:9

Bwe baatuuka ku bukalu baabona omuliro ogw'amanda nga kuliku ebyenhandha n'omugaati.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 15:36

Enaku bwe dhaabitagho, Paulo yaakoba Barunaba ati: “Twireyo tulambuule aboluganda mu kiisi kibuga ye twakobera abantu ekibono kya Katonda, tubone nga bwe bali.”

Ebikolwa by'Abatume 22:3

“Ndi Muyudaaya, eyazaalibwa mu Taruso eky'omu Kilikia, aye eyakulira mu kibuga kino. Gamalieli yansomesa okukalangukira ku Mateeka ga badhaadha baife era neegheerayo irala ku bya Katonda era nga mwena bwe mukola buti.

1 Samueli 19:20

Kale Saulo yaatuma abakwenda okugema Daudi. Aye abakwenda abo bwe baabona ekikunsu eky'abalanzi nga bali kulanga, nga Samueli ali nabo era nga n'omukulembeze waibwe, omwoyo gwa Katonda gwabaidhaku, boona baatoolera okulanga.