2 Bakyabazinga 4:29 - Baibuli Ekibono kya Katonda 2014

²⁹ Elisha yaakoba Gehazi ati: “Yangugha mangu ogeme omwigo gwange, oje. Bw'oyagaana omuntu mu ngira, otamulamusa. Era bweghabaagho akulamusa otamwiramu. Bw'onaatuuka oidha kuta omwigo gwange ku mwana.”

2 Bakyabazinga 4:29 ပူးပေါင်းရင်းမြစ်များ

1 Bakyabazinga 18:46

Agho amaani ga Musengwa Katonda gaidha ku Eliya, yaanhweza ekivaalo kye mu nkende, yaalumuka yeesooka Ahabu aghaingirirwa e Yezireeli.

2 Bakyabazinga 2:14

Yaakozesa ekivaalo ekyava ku Eliya ni kigwa, yaakuba ku maadhi ng'akoba ati: “Musengwa Katonda, Katonda wa Eliya, ali gha?” Bwe yakuba ku maadhi, geegabamu ghabiri ku luuyi ni ku luuyi, Elisha oyo yaasomoka.

2 Bakyabazinga 2:8

Agho Eliya yaagema ekivaalo kye, yaakizingamu, yaakikozesa okukuba ku maadhi, amaadhi geegabamu ghabiri ku luuyi ni ku luuyi, bombi baasomoka nga babita ku itaka ikalu.

2 Bakyabazinga 4:12

Agho yaakoba Gehazi omugheereza we ati: “Yeta Omushunami oyo.” Gehazi yaayeta omukazi, yaidha yaayemerera agho.

2 Bakyabazinga 9:1

Agho Elisha omulanzi yaayeta omwisuka mulala ku b'ekikunsu eky'abalanzi, yaamukoba ati: “Weetegeke, ogeme akadoome kano ak'omuzigo ogw'ebibala eby'emiti emyoliva, oje e Ramothi Gileadi.

Okuvaayo 14:16

Iwe toola omwigo gwo, ogusonke ku nhandha, amaadhi gaidha kwegabaniamu ghabiri, Abaisiraeli baghange okubita mu nhandha nga batambulira ku itaka ikalu.

Okuvaayo 4:17

Era oidha kuja n'omwigo ogwo gw'oli nagwo mu ngalo, ni gw'olikozesa obumanhiso obwo.”

Ensambo 31:17

Afungiza yaakola n'amaani, era yaakola n'emikono gye buli kiseera.

Luka 10:4

Mutatwalanga nsawo yoonayoona, waire ngaito ate mu ngira timulamusanga muntu yeenayeena.

Ebikolwa by'Abatume 19:12

ng'ebitambaala n'ebivaalo ebyavanga ku mubiri gwe baabitwaliranga abalwaire baawonezebwanga era n'abalingaku emizimu emibi gyabavaaku.

Ebikolwa by'Abatume 3:16

Ate olw'okwikiriza, eriina lye kye liviire liwonia ono ye mubona era ye mwidhi. Okwikiriza oyo, n'okumughaire okuwonera irala nga mwenamwena bwe mubona.

Ab'Efeso 6:14

Mwemerere nga muli bagumu, ng'amazima n'olusibiro lwe mwesibye mu nkende, ate obutuufu nga n'ekivaalo eky'omu kifuba eky'ekyuma.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.