2 Bakyabazinga 4:24 - Baibuli Ekibono kya Katonda 2014

²⁴ Agho omukazi yaatyama ku ndogoyi, era yaalagira omugheereza we ati: “Vuga endogoyi eyangughe inho, era otakendeeza ku mbiro dhaayo okutoolaku nga nkukobye.”

2 Bakyabazinga 4:24 ပူးပေါင်းရင်းမြစ်များ

Amainhama 22:3

Bwe bwakya enkyo, Aburahamu yaawuuna yaayasaaga enku edh'okwokya ekigheebwayo, yaatwika endogoyi ye. Yaatwalaku babiri ku bagheereza be, n'omwana we Isaaka, yaatoolera okuja mu kifo Katonda kye yali amukobye.

1 Bakyabazinga 13:13

Yaakoba batabane be ati: “Munteere ekintu ekityamibwaku ku ndogoyi.” Agho baakimuteera ku ndogoyi, yaatyama ku ndogoyi eyo era yaagivuga.

1 Bakyabazinga 13:23

Omulanzi omukaire bwe yamala okulya emere n'okunhwa, yaateera omulanzi ye yaiza ekintu ekityamibwaku ku ndogoyi ye.

2 Bakyabazinga 4:23

Iba yaamubuuza ati: “Lwaki oli kuja y'ali olwaleero, ate nga ti lunaku lwa Sabbato waire okuba olw'Ekibinuko eky'Okuboneka kw'Omwezi?” Omukazi yairamu ati: “Iwe otafaayo.”

2 Bakyabazinga 4:25

Kale yaaja yaatuuka y'Elisha omuntu wa Katonda, ku lusozi Karumeli. Omuntu wa Katonda bwe yalengera omukazi oyo ng'akaaliku ghala, yaakoba Gehazi omugheereza we ati: “Omukazi Omushunami wuule!

Okuvaayo 4:20

Musa yaata mukazi we ni batabane be ku ndogoyi, baaja e Misiri, nga mwene agemye omwigo Katonda gwe yamukoba okuja nagwo.