2 Bakyabazinga 4:23 - Baibuli Ekibono kya Katonda 2014

²³ Iba yaamubuuza ati: “Lwaki oli kuja y'ali olwaleero, ate nga ti lunaku lwa Sabbato waire okuba olw'Ekibinuko eky'Okuboneka kw'Omwezi?” Omukazi yairamu ati: “Iwe otafaayo.”

2 Bakyabazinga 4:23 ပူးပေါင်းရင်းမြစ်များ

2 Bakyabazinga 4:22

Yaayeta iba ng'akoba ati: “Nsindikira omugheereza mulala n'endogoyi ndala, nje mangu ew'omuntu wa Katonda era mmale ndhire.”

2 Bakyabazinga 4:24

Agho omukazi yaatyama ku ndogoyi, era yaalagira omugheereza we ati: “Vuga endogoyi eyangughe inho, era otakendeeza ku mbiro dhaayo okutoolaku nga nkukobye.”

1 Ebyomubyanda 23:31

n'okughangayo eri Musengwa Katonda oyo ebigheebwayo ebyokebwa, ku Sabbato, ni ku buli Kibinuko eky'Okuboneka kw'Omwezi, era ni ku nnaku edhindi edhaateebwagho. Ebyo byonabyona nga bali n'okubikolanga mu maiso ga Musengwa Katonda aghazira kwosaamu naire, era nga bajiira ku mughendo ogulagirwa.

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Okubala 10:10

Aye era ni mu biseera byaimwe eby'eisanhu, ni ku mbaga edh'ebibinuko byaimwe ebyalagirwa, ni ku ntadiikwa y'omwezi, mwidha kufuuwanga amagwala nga muleese ebigheebwayo byaimwe ebyokebwa n'ebigheebwayo byaimwe olw'okutabagana. Ekyo kiidha kundeeteranga nze Katonda waimwe okubaidhukira. Ninze Musengwa Katonda waimwe.”

Okubala 28:11

“Ku lunaku olusooka olwa buli mwezi, mwidha kughangayo eri nze Musengwa ekigheebwayo ekyokebwa, nga kirimu bino: ente enume ento ibiri, entaama enume enkulu ndala, n'entaama ento enume musanvu edh'omwaka omwaka omulala omulala, nga byonabyona biziraku kikyamu kyonakyona.

Okubala 28:9

“Ku lunaku lwa Sabbato mwidha kughangayo entaama enume ibiri edh'omwaka omulala omulala, nga dhiziraku kikyamu kyonakyona. Era mwidha kughangayo ekigheebwayo kyaku eky'emere ey'empeke, nga kya kilo ibiri edh'obuwunga obuseereibwa obukalamu nga butabwirwamu omuzigo. Era mughengayo n'ekigheebwayo ekijiiraku eky'ebyokunhwa.

1 Samueli 20:5

Daudi yaakoba Yonathani ati: “Bona eno, enkyo n'olunaku olw'Ekibinuko eky'Okuboneka kw'Omwezi. Era nandibaire nga nteekwa okutyama ni kyabazinga okulya. Aye ndeka nje neegise mu nsiko okutuusa eigulo ly'olunaku olunairirira olwenkyo.