2 Bakyabazinga 4:2 - Baibuli Ekibono kya Katonda 2014

² Elisha yaamubuuza ati: “Oyenda nkukolere ki? Nkobera, kiki ky'oli nakyo mu ndhu yo?” Omukazi yairamu ati: “Nze omugheereza wo, nzira kantu naire mu ndhu, okutoolaku akadoome konka akalimu omuzigo ogw'ebibala eby'emiti emyoliva.”

2 Bakyabazinga 4:2 ပူးပေါင်းရင်းမြစ်များ

1 Bakyabazinga 17:12

Omukazi yaakoba ati: “Ndayira mu Musengwa Katonda wo omulamu, nti bwenebwene nzira mere, okutoolaku omuganda ogw'obuwunga bw'engaano mu kaibo, n'otuzigo mu kadoome. Era mpegaano ndi kulondereza ku buku, nje eka, neefumbire akamere ako, nze n'omwana wange tukalye, memale tumale tufe endhala.”

2 Bakyabazinga 2:9

Bwe baamala okusomoka, Eliya yaakoba Elisha ati: “Saba kye mbe nkukolere nga bakaali kuntwala kukuvaaku.” Elisha yairamu ati: “Nkusaba onganhe nfune omugabo gwa mikuzi ebiri ogw'omwoyo gwo.”

2 Bakyabazinga 4:3

Elisha yaamukoba ati: “Ja weeyazike ku baino boonaboona ab'oku muliiraano ebidoome ebikalu ate nga bingi.

Okuvaayo 4:2

Musengwa Katonda n'okumubuuza ati: “Kiki ekyo ekikuli mu ngalo?” Musa yaamwiramu ati: “Mwigo.”

Matayo 15:34

Yesu yaabakoba ati: “Muligho n'emigaati emeka?” Baakoba bati: “Musanvu, n'obwenhandha butonotono.”

Ebikolwa by'Abatume 3:6

Petero yaamukoba ati: “Feeza ni zaabu nzira aye kye ndi nakyo kye nkugha. Mu liina lya Yesu Kurisito ow'e Nazarethi situka otambule.”

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.