2 Bakyabazinga 4:1 - Baibuli Ekibono kya Katonda 2014

¹ Agho namwandu ow'owundi ku b'ekikunsu ky'abalanzi, yaalirira Elisha ng'akoba ati: “Omugheereza wo, baze, yafa. Era oidhi omugheereza wo oyo nga bweyali atya Musengwa Katonda. Aye mpegaano omuntu eyali amubandha, aidhie okutwala abaana bange bombi abafuule abairu be.”

2 Bakyabazinga 4:1 ပူးပေါင်းရင်းမြစ်များ

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

1 Bakyabazinga 18:3

Kale Ahabu yaayeta Obadia eyali nga n'alabirira ekisaagaati kya kyabazinga. Obadia oyo yali ng'ata inho mu Musengwa Katonda ekitiisa,

1 Bakyabazinga 20:35

Agho omusaadha mulala ku balanzi, nga Musengwa Katonda n'amulagiire, yaakoba mwine ati: “Nkweghembye nkuba.” Aye mwine yaaloba.

2 Bakyabazinga 2:15

Abalanzi abaali e Yeriko bwe baamubona, baakoba bati: “Obuyinza bwa Eliya buli ku Elisha.” Agho baidha okumweisuusaayo, era baakuba amakiryaivu agho mu maiso ge,

2 Bakyabazinga 2:3

Agho ekikunsu eky'abalanzi abaali e Betheli baidha ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 2:5

Agho ekikunsu eky'abalanzi abaali e Yeriko baaseeta ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 2:7

baatuuka baayemerera ku mbali kw'omwiga Yorudani. Abalanzi amakumi ataanu okuva mu kikunsu ky'abalanzi, boona baaja, baayemerera nga ghakaalighooku akata okutuuka ku Eliya ni Elisha.

2 Bakyabazinga 4:38

Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 6:9

Aye Elisha omuntu wa Katonda yagheereza kyabazinga wa Isiraeli obukwenda obulabula ng'akoba ati: “Otageza naire kubita mu kifo ekyo, kuba Abasiria bali kujaayo.”

Nehemia 10:31

Abamaghanga agandi abo bwe banaaleetanga eby'okulya oba ebintu ebindi byonabyona okubitunda ku Sabbato, oba ku lunaku olundi olutukuvu, titwidha kubagulangaku. “Buli mwaka ogwomusanvu titwidha kukungulanga bibala bya mu misiri, era twidha kusonighanga abantu amabandha ge tubabandha.

Nehemia 7:2

Agho naataagho muganda wange Hanani ni Hanania omufuzi eyakuliranga ekifo eky'okwewogomamu, naabagha obukumu okulabiriranga Yerusalemu. Hanania oyo yali mwesigwa era nga atya Katonda okusinga abantu abandi boonaboona.

Zabbuli 103:11

Ng'eigulu bwe liri eghala einho n'ensi, n'okugonza kwe eri abo abamutya kutyo ye kukoma okuba okungi.

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 115:13

era aghenga n'abo boonaboona abamutya enkabi, abakologho n'abatali bakologho.

Zabbuli 147:11

aye asangaalira abo bamutya, abo abasuubirira mu kugonza kwe okutakoma.

Ensambo 22:7

Abakombe n'abafuga abaavu, era ole eyeewola afuuka mwiru w'ole amuwola.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Omulangirizi 8:12

Aye waire ng'omwonooni asobola okukola ebibi emikuzi kamaala ate yaaghangaala inho, nze ndidhi nti abo abatya Katonda baidha kubanga bukalamu olw'okumutya.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Yeremia 34:14

‘Buli ku nkomerero y'emyaka omusanvu, mwidha kulekulanga Baheburayi banaimwe be mwagula ng'abairu, babe ba idembe, nga bamaze okubagheereza okumala emyaka omukaaga.’ Aye badhaadha baimwe abo baaloba kumpulirisa waire okugondera kye nabakoba.

Abalevi 25:48

bw'anaamalanga okwetunda, anaikirizibwanga okununulibwa owundi ku baganda be,

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Matayo 18:25

Aye olw'okuba yali nga tasobola kulisasula, musengwa we n'okulagira bamutane, ni mukazi we, n'abaana, n'ebintu bye byonabyona bye yali nabyo, eibandha lisasulwe.

Matayo 18:30

Aye yaaloba, era yaaja yaamuta mu ikomera okutuusa ng'amusaswire eibandha.

Matayo 18:35

Atyo ni, Lata wange ali mu igulu bw'alibakola, okutoolaku nga buli muntu asonigha muganda we mu mwoyo gwe.”

Ebikolwa by'Abatume 13:26

“Imwe aboluganda baidhukulu ba Aburahamu n'imwe abandi mwenamwena abatya Katonda, obukwenda buno obw'obulokozi bwagheebwa ife.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 19:5

Era amamiro gaava gha kityamo eky'obwakyabazinga nga gakoba gati: “Musaake Katonda waife mwenamwena imwe abagheereza be abamutya, abakulu n'abato.”

Ruthi 1:3

Elimeleki yaafa, Naomi yaasigala yenka nga namwandu, ni batabane be bombi.

1 Samueli 22:2

Abantu abaali batuntuzibwa, n'abaali babandhibwa, era n'abo abataali basiimu, boonaboona beesololeza aghaali Daudi. Daudi yaafuuka mukulembeze waibwe, nga boonaboona baghera ng'oti ebikumi bina.