2 Bakyabazinga 3:9 - Baibuli Ekibono kya Katonda 2014

⁹ Agho kyabazinga wa Isiraeli, n'owa wa Buyudaaya, n'owa Edomu baajiira ghalala. Bwe baamala okutambula olugendo olw'enaku omusanvu nga lwa kwezungulula, baaba nga tibakaali na maadhi ga kugha igye waire ensolo dhe baali nadho.

2 Bakyabazinga 3:9 ပူးပေါင်းရင်းမြစ်များ

1 Bakyabazinga 22:27

mubakobe muti, ‘Kyabazinga alagiire ati omusaadha oyo mumute mu ikomera, era mumughenga emere n'amaadhi nga mumupimiraku bupimire, okutuusa nga ndhize bukalamu.’ ”

1 Bakyabazinga 22:47

Mu kiseera ekyo, ensi Edomu tiyali na kyabazinga, aye musigire n'eyagifuganga, nga kyabazinga wa Buyudaaya n'amutaagho.

1 Bakyabazinga 22:48

Yehoshafati yakola amaato amakologho ag'oku nhandha enene, nga ga kujanga mu Ofiri okunonayo zaabu. Aye gaaloba kuja, kuba gaamenhekera mu Ezionigeberi.

2 Bakyabazinga 3:1

Mu mwaka ogweikumi n'omunaana nga kyabazinga Yehoshafati n'afuga Buyudaaya, Yehoramu mutabane wa Ahabu yaafuuka kyabazinga wa Isiraeli, era yaafugira mu Samaria okumala entangama ya myaka ikumi n'ebiri.

2 Bakyabazinga 3:10

Kyabazinga wa Isiraeli yaakoba ati: “Tukagwireku! Musengwa Katonda atusoloiza ife bakyabazinga abasatu, atute mu ngalo dha Moabu.”

2 Bakyabazinga 3:7

era n'agheereza obukwenda ye Yehoshafati kyabazinga wa Buyudaaya, ng'akoba ati: “Kyabazinga wa Moabu andheemeire. Onaaneeyimbaku mu lutalo twaja okumulwanisa?” Kyabazinga Yehoshafati yairamu ati: “Yii, ndidha kukweyimbaku tuje. Nze n'iwe twisa kirala, abantu bange babo, n'embalaasi dhange dhidho.”

2 Bakyabazinga 3:8

Agho yaabuuza ati: “Tunaagema ngira ki okulumba?” Yehoramu yairamu ati: “Twidha kugema engira ey'omu irungu lya Edomu.”

2 Bakyabazinga 8:20

Mu biseera bya Yehoramu oyo, Abaedomu baadheemera Buyudaaya, beeteeragho obwakyabazinga obwaibwe.

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Okuvaayo 15:22

Agho Musa yaalagira Abaisiraeli batambule bave agho ku Nhandha Emyufu beeyongereyo mu irungu eryetebwa Shura. Baatambulira enaku isatu mu irungu nga tibatuukaku ghali maadhi.

Okuvaayo 17:1

Abaisiraeli boonaboona baasimbuka okuva mu irungu eryetebwa Sina, baajanga nga basula mu bifo eby'endhawulo nga Musengwa Katonda bweyabalagiranga. Oluvainhuma baasimba weema dhaibwe e Refidimu, aye ate yaabulayo amaadhi ge basobola okunhwa.

Okubala 20:2

Mu kifo ekyo timwali maadhi ga bantu kukozesa, kale abantu beesoloza balumba Musa ni Aaroni.

Okubala 20:4

Lwaki waleeta abantu ba Musengwa Katonda boonaboona mu irungu lino? Wayenda tufiire muno n'ebyayo byaife?

Okubala 21:5

Kale baatoolera okwemuluguunhiza Katonda ni Musa nga bakoba bati: “Lwaki mwatutoola mu Misiri okwidha okufiira ghano mu irungu? Ghano ghazira mere waire amaadhi, era bino ebimere bitusinie.”

Okubala 33:14

Baava mu Alushi, baaja baasimba weema dhaibwe e Refidimu etaali maadhi bantu ge baghanga kunhwa.

Abalamuzi 4:10

Baraki yaayeta ab'ekika kya Nafutali n'ekya Zebuluni. Agho abasaadha omutwalo mulala baamunonereza, ni Debora yeena yaaja naye.