2 Bakyabazinga 3:25 - Baibuli Ekibono kya Katonda 2014

²⁵ Abaisiraeli baazikiriza ebibuga, buli mulala yaasuula eibaale mu bulime obulungi, okutuusa nga babwidhwiza amabaale. Baasemba ensulo dhoonadhoona edh'amaadhi, era baatema emiti gyonagyona emirungi. Mu kibuga Kiriharesethi mwonka mwe baaleka amabaale gaamu, ab'ensuumulo baakyezunguluza baakighangula.

2 Bakyabazinga 3:25 ပူးပေါင်းရင်းမြစ်များ

Amainhama 26:15

Abafilisiti bano baali nga basembye ensulo dhoonadhoona baadhiidhuzaamu eitaka. Ensulo dhino dhaali nga dhisimiibwa abagheereza ba lata we Aburahamu, nga Aburahamu akaali mulamu.

Amainhama 26:18

Era yaayerula buyaaka ensulo edhaali dhisimiibwa nga Aburahamu ise akaali mulamu, Abafilisiti dhe baasemba nga Aburahamu amaze okufa. Isaaka yadheeta amaina geene ago ise ge yadhituuma.

2 Samueli 8:2

Bwe yamala yaaghangula Abamoabu. Yaabalambaaza ghansi mu nhiriri isatu. Olwo yaitaku enhiriri eibiri, yaalekagho lulala. Agho Abamoabu baafuuka bagheereza ba Daudi, era nga bamughanga omusolo.

2 Bakyabazinga 3:19

Mwidha kumenha buli kibuga ekyezungulwirwa ekimante ekigumu, na buli kibuga ekiboneka obulungi, muteme buli muti omulungi, musembe ensulo dhoonadhoona edh'amaadhi, era mubunge amabaale mu buli bulime obulungi, mubwonoone.”

2 Bakyabazinga 3:24

Aye bwe baatuuka Abaisiraeli ghe baasimba weema dhaibwe, Abaisiraeli baasituka baalumba Abamoabu abo, baabatwaliriza embiro. Abamoabu baalumuka, aye Abaisiraeli baababingirira nga baja bwe babaita.

2 Bakyabazinga 3:26

Kyabazinga wa Moabu bwe yabona ng'olutalo luli kumunhigiriza, yaatwala abasaadha lusanvu abalwanisa empiima, baje baghaguze batuuke ku kyabazinga wa Edomu, aye baalemwa.

2 Ebyomubyanda 32:4

Agho abantu kamaala beesoloza, baasemba ensulo dhoonadhoona edh'amaadhi era n'akaiga akaakuuluuliranga mu kiketezo ekyo, nga bakoba bati: “Tusobola tutya okuleka obuleke bakyabazinga ba Assiria okwagaana amaadhi amangi gatyo nga baidhie?”

Isaia 15:1

Buno n'obukwenda obugema ku Moabu. Ebibuga Ari ni Kiri ebya Moabu babizikiriiza mu bwire bulala buti byafuuka bifunfugu, era ensi Moabu yaawolongera.

Isaia 16:11

Kyenva ni ngegenga olwa Moabu, era ni ndira enaku olwa Kiriheresi.

Isaia 16:7

Abamoabu baliwowoola amaziga olw'okudaagadaaga okutakobeka, n'abantu boonaboona baawowoola ku lwa Moabu. Balirira nga baidhukiire emere enungi, ye baalyanga mu kibuga Kiriharesethi era balituuka n'okuwaamu eisuubi.

Yeremia 48:31

Kale ni ndidha kulira amaziga olw'ensi Moabu, mpowoole olw'abantu boonaboona ab'e Moabu, era ngegenge olw'abantu b'e Kiriheresi.

Yeremia 48:36

“Kyenva ni ndira amaziga olw'abantu ab'e Moabu, era naalira olw'abantu ab'e Kiriheresi, nga ndi ng'oti n'ole afuuwa olwembo olw'enaku ku ndere. Ndira, kuba buli kintu kye baali nakyo kizikiriire.

Amateeka Agokubiri 2:9

Agho Musengwa Katonda yankoba ati, ‘Mutadaazadaaza bantu ab'e Moabu, baidhukulu ba Loti, era mutabatanulaku lutalo. Imwe tiidha kubaghaaku kitundu waire ekitono kiti ku nsi yaibwe, okuba ekyaimwe. Ekibuga Ari nakigha ira Abamoabu abo kibe kyaibwe.’ ”

Abalamuzi 9:45

Abimeleki yaamala olunaku olwo lwonalwona ng'ali kulwanisa ekibuga ekyo. Yaakigema, yaita abantu baamu, era yaakimenhamenha, yaakimansiramu omuunhu.