2 Bakyabazinga 3:23 - Baibuli Ekibono kya Katonda 2014

²³ Baakoba bati: “Guno musaayi! Bwenebwene bakyabazinga balwanagaine beene na beene, baitagana. Imwe Abamoabu, mukole tuje ku munhago!”

2 Bakyabazinga 3:23 ပူးပေါင်းရင်းမြစ်များ

2 Bakyabazinga 3:22

Abamoabu bwe baasitukagho enkyo ku nkyo, endhuba yaayaka ku maadhi agaboolekeire, baagabona nga gamyuse ng'oti musaayi.

2 Bakyabazinga 3:24

Aye bwe baatuuka Abaisiraeli ghe baasimba weema dhaibwe, Abaisiraeli baasituka baalumba Abamoabu abo, baabatwaliriza embiro. Abamoabu baalumuka, aye Abaisiraeli baababingirira nga baja bwe babaita.

2 Bakyabazinga 7:6

kuba Musengwa Katonda yaaleetera ab'eigye lya Siria okuwulira okupakalana okw'ebigaali eby'omu lutalo, n'okugabbalya okw'ebigere by'embalaasi, nga kuli ng'oti kwa igye inene. Kale beekobaana beene na beene bati: “Bona, kyabazinga wa Isiraeli apangiisa bakyabazinga ab'Abahitti n'ab'Abamisiri okwidha okutulwanisa!”

2 Ebyomubyanda 20:25

Yehoshafati n'abantu be bwe baajaayo okutoolayo omunhago, baayagaanayo eby'obukombe kamaala, n'engoye, n'ebintu eby'omughendo, baatwalaku bye baasobola, ebindi byabalemeragho. Baamala enaku isatu nga bakaasomba omunhago ogwo, kuba gwali mungi.

Okuvaayo 15:9

Omuzigu yaakoba mule ati, ‘Ka mbabinge ndidha kubaagaana, ndidha kubatoolaku omunhago nga bwe naaba nhenze; ndidha kutoolayo empiima yange mbazikirize.’

Isaia 10:14

Nayagaana amaghanga nga gali ng'oti kisu kya nhonhi, naasoloza obukombe bwago ng'oti n'ali kusoloza amagi ge balese obwagho, nga ghazira na nhonhi epapazaaku ighagha kuntiisa, waire okwasamya omunwa n'ekyolya okunzindula.”

Abalamuzi 5:30

“Bakaayagaaza munhago, na ngeri yakugugabanamu: kiisi musaadha afuneku omughala mulala oba babiri, engoye enungi dha Sisera, zeena nfuneyo ebinhere eby'omu nkoto ebidholige.”