2 Bakyabazinga 3:11 - Baibuli Ekibono kya Katonda 2014

¹¹ Yehoshafati kyabazinga wa Buyudaaya yaabuuza ati: “Ghano ghaziraghooku mulanzi wa Musengwa Katonda, ye tusobola okubitamu ni twebuuzaaku ku Musengwa Katonda?” Agho owundi ku bagheereza ba kyabazinga wa Isiraeli yairamu ati: “Elisha mutabane wa Shafati eyali omugheereza wa Eliya, aligho ghano.”

2 Bakyabazinga 3:11 ပူးပေါင်းရင်းမြစ်များ

Amainhama 18:4

Ka mbaleetere ku tuudhi munaabeku ku bigere, era muwoleereku agho mu kimpombye eky'omuti.

1 Bakyabazinga 19:21

Agho yaasooka yaaleka eby'okunonereza Eliya, yairayo, yaagema ente dhe yali ali kulimisa, yaadhiita. Yaafumba emamba yaadho ng'akozesa ebikoligo byadho ng'enku, yaagigabula abantu baalya. Ebyo bwe byawa, Elisha yaaja yaabanga ewa Eliya ng'amugheereza.

1 Bakyabazinga 22:7

Aye Yehoshafati yaakoba ati: “Ghano ghaziraghooku mulanzi wa Musengwa Katonda wundi tumwebuuzeeku?”

2 Bakyabazinga 2:25

Mwene yeeyongerayo yaatuuka ku lusozi Karumeli, ate yaamala yaava eyo yaaja e Samaria.

2 Bakyabazinga 3:10

Kyabazinga wa Isiraeli yaakoba ati: “Tukagwireku! Musengwa Katonda atusoloiza ife bakyabazinga abasatu, atute mu ngalo dha Moabu.”

2 Bakyabazinga 3:12

Kyabazinga Yehoshafati yaakoba ati: “Musengwa Katonda ayogera ng'abita mu oyo.” Kale kyabazinga owa Isiraeli, ni kyabazinga Yehoshafati owa Buyudaaya, ni kyabazinga wa Edomu, baaja eri Elisha.

2 Bakyabazinga 3:3

Aye era Yehoramu oyo yaakola ebibi ebyaleetera Isiraeli okwonoona ng'oti ni kyabazinga Yeroboamu mutabane wa Nebati bwe yakola. Era Yehoramu oyo yaaloba kuva mu bibi ebyo.

1 Ebyomubyanda 10:13

Kale Saulo yaafa atyo, olw'obutaba mwesigwa eri Musengwa Katonda. Yaloba okukola ebyo Musengwa Katonda bye yamulagira, yaira mu kweraguza ku basamize,

1 Ebyomubyanda 14:10

Daudi yeebuuza ku Katonda ati: “Nje nwane n'Abafilisiti? Onaabampa naabaghangula?” Musengwa Katonda yairamu ati: “Ja. Bwenebwene ndidha kubakugha obaghangule.”

1 Ebyomubyanda 14:14

Era Daudi yeebuuza ku Katonda. Katonda yaamwiramu ati: “Otabalumba ng'ova ghano, aye weetooloole, obalumbire emberi w'emiti emibalisamu.

1 Ebyomubyanda 15:13

Olw'okuba ti niimwe omwagibbeeda ku mukuzi ogwasooka, Musengwa Katonda waife kyeyava n'atubonereza olw'obutakola nga bwe yalagira.

2 Ebyomubyanda 18:6

Aye Yehoshafati yaakoba ati: “Ghano ghaziraghooku mulanzi wa Musengwa Katonda wundi tumwebuuzeeku?”

Zabbuli 74:9

Titukaabona bumanhiso bwaife obutukuvu, abalanzi baawaagho ira era ghazira aidhi bino ghe birikoma.

Yeremia 37:17

Nga ghabiseeghooku ekiseera, kyabazinga Zedekia yandhetesa bantwale ye yali, era bwenatuukayo yambuuza nga tuli twenka ati: “Ghalighooku obukwenda obuva ye Musengwa?” Nze naamwiramu nti: “Buligho.” Era naamukoba nti: “Iwe baidha kukughaayo eri kyabazinga ow'e Babilonia.”

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Ab'e Filippi 2:22

Aye omugaso gwa Timotheo mugwidhi bukalamu, mwidhi bwe tubairenga nga tusansaania naye Amawulire Amalungi, ng'oti n'omwana n'ise bwe bandikoze.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Yoshua 1:1

Musa omugheereza wa Musengwa Katonda bwe yafa, Musengwa Katonda yaayogera ni Yoshua, mutabane wa Nuni, eyali omuyambi wa Musa yaamukoba ati:

Yoshua 9:14

Kale Abaisiraeli baaganha okulya ku mere eyo abasaadha abo ye baasiba, ng'akamanhiso ak'endagaano. Aye kino baakikola nga tibeebuuziizaaku ku Musengwa Katonda.

Abalamuzi 20:18

Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”

Abalamuzi 20:23

Agho baaniinaniina okuja mu kifo ye basinziza, baalirira mu maiso ga Musengwa Katonda okutuusa eigulo. Baabuuza Musengwa Katonda bati: “Twiremu kabiri okulumba baganda baife Ababenjamini tubalwanise?” Musengwa Katonda yairamu ati: “Muje mubalwanise.”