2 Bakyabazinga 25:3 - Baibuli Ekibono kya Katonda 2014

³ Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

2 Bakyabazinga 25:3 ပူးပေါင်းရင်းမြစ်များ

2 Bakyabazinga 25:2

Kyasigala nga bakizingiiza batyo okutuusa mu mwaka ogweikumi n'omulala (11) nga Zedekia n'afuga Buyudaaya.

2 Bakyabazinga 6:24

Ebyo bwe byawa, Benihadadi kyabazinga wa Siria yaasoloza eigye lye lyonalyona, yaaja yaazingiza ekibuga Samaria.

2 Bakyabazinga 6:25

Okuzingiza okwo kwaleeta endhala ey'amaani mu kibuga, omutwe gw'endogoyi gwatuuka okugula ebitundu ekinaana ebya feeza, n'akatundu akalala ku buli butundu obuna obwa saabira w'enjiibwa kaagula ebitundu bitaanu ebya feeza.

Isaia 3:1

Bona eno, Musengwa Katonda Afuga Amagye aja kutoola mu Yerusalemu ni mu Buyudaaya, kiisi kintu ekisobozesa abantu okuba abalamu: Aja kutoolagho emere yoonayoona, atoolegho n'amaadhi goonagoona.

Yeremia 19:9

Abazigu balizingiza ekibuga kino okukyezunguluza nga benda okwita abantu baamu. Okuzingiza ekibuga kino kuliba kukambwe inho, abantu abaliba munda baatuuka n'okulya banaibwe, era n'okulya abaana baibwe beene.’ ”

Yeremia 37:21

Kale kyabazinga Zedekia yaalagira bansibire mu luya olw'ekisaagaati kye eky'obwakyabazinga. Naaba omwo, era bampanga omugaati mulala buli lunaku nga bagutoola mu kifo ye baagifumbiranga. Baakola batyo, okutuusa mu kibuga bwe mwawa emigaati.

Yeremia 38:2

“Musengwa Katonda akoba ati, ‘Omuntu yeenayeena anaasigala mu kibuga kino aidha kwitirwa mu lutalo, oba okufa endhala, oba okufa endwaire ya kawumpuli. Aye anaakifuluma ni yeeghaayo eri Abababilonia, aidha kuwoniagho obulamu bwe.’

Yeremia 39:2

Ku lunaku olwomwenda olw'omwezi ogwokuna, mu mwaka gwa Zedekia ogweikumi n'omulala nga ni kyabazinga, Abababilonia abo baawomola ekituli mu kimante ky'ekibuga.

Yeremia 52:6

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

Ezekieli 14:21

Agho ni Musengwa Katonda akoba ati: “Bwenebwene tikirisingagho inho bwe ndisindika ku Yerusalemu ebibonerezo byange ebina ebikakali: olutalo, endhala, ensolo edh'akabi, n'endwaire ya kawumpuli, okuja okukiitamu abantu n'ensolo?

Ezekieli 5:10

Abazaire b'omu Yerusalemu balirya abaana baibwe, n'abaana baalya abazaire baibwe. Ndibasalira imwe omusango gwabasinga naababonereza, era naasansaaniza ku ndhuyi dhoonadhoona abo abaliba basigairegho nga balamu.

Ezekieli 5:12

Ndibaawulamu ebitundu bisatu: Abaliba mu kitundu ekisooka mulifa endwaire era mwalambuka endhala. Abaliba mu kitundu ekyokubiri muliitibwa mu ntalo edhiryezungulula ekibuga kyaimwe. Ate abaliba mu kitundu ekyokusatu ndibasansaaniza ku ndhuyi dhoonadhoona, empewo yaabatwaliriza. Era ndisowolayo empiima mu kiruutu yaaja ng'ebabingirira.

Ezekieli 7:15

Abantu abaliba kuliya baliitagana, n'abaliba mu ndhu baafa endwaire ya kawumpuli n'endhala. Abaliba mu byalo baliitagana, ate abaliba mu kibuga baafa kulambuka ndhala na ndwaire ya kawumpuli.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Zekaria 8:19

“Okusiiba kwaimwe okw'omu mwezi ogwokuna, n'okw'omu gwokutaanu, n'okw'omu gwomusanvu, n'okw'omu gweikumi, kulifuukamu biseera bya masanhu na kusagamba eri ab'eighanga Buyudaaya nga bali mu bibinuko. Agho ni mugwaine mugonzenga okukolerera amazima n'emiraala.”