2 Bakyabazinga 25:29 - Baibuli Ekibono kya Katonda 2014

²⁹ Yehoiakini baamuganha okutoolamu ebivaalo by'eikomera, era buli lunaku yaaliiranga ku kiiwulo kya kyabazinga.

2 Bakyabazinga 25:29 ပူးပေါင်းရင်းမြစ်များ

Amainhama 41:14

Kyabazinga yaayetesa Yosefu, baamutoola mangu mu ikomera. Yosefu bwe baamala okumumwa era n'akyusa ebivaalo n'avaala ebindi, yaaja eri kyabazinga.

Amainhama 41:42

Kyabazinga yaatoola ku lwala empeta ye eriku akamanhiso ak'obwakyabazinga, yaagivaaza Yosefu ku lwala. Yaamuvaaza ekivaalo ekighegheevu, era yaamuvaaza mu nkoto omukuufu ogwa zaabu.

2 Samueli 9:7

Daudi yaamukoba ati: “Otatya. Ndidha ku kwoleka ekivunika ku lwa lata wo Yonathani, nkwirize eitaka lyonalyona eryali erya dhaadha wo Saulo. Era oidha kuliiranga ghalala ninze ku kiiwulo.”

1 Bakyabazinga 2:7

“Aye bisanga bukalamu batabane ba Barazillai Omugileadi, era ka babenga mu abo b'onaalabiriranga, kuba bambisa bukalamu bwe nali nga ndi kulumuka muganda wo Abusalomu.

2 Bakyabazinga 24:12

Kyabazinga Yehoiakini owa Buyudaaya, ng'ali ghalala n'inhina, n'abagheereza be, n'abakungu be, n'abakulira ekisaagaati kye, yaavaayo, yeeghaayo mu ngalo dha kyabazinga w'e Babilonia. Mu mwaka ogwomunaana ogwo, nga Nebukadinezzari n'afuga Babilonia, Nebukadinezzari oyo yaatwala Yehoiakini nga musibe.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Yeremia 22:26

Ndidha kukutoola mu nsi eno ng'oli ghalala n'inhoko akuzaala, nje mbasuule mu nsi ye mutaazaalibwamu, era mwembi eyo ye mulifiira.

Yeremia 52:33

Yehoiakini baamuganha okutoolamu ebivaalo by'eikomera, era buli lunaku yaaliiranga ku kiiwulo kya kyabazinga.

Zekaria 3:4

Malaika yaakoba abaali beemereire mu maiso ge ati: “Mumutoolemu ebivaalo ebyo ebiidhwire eikoodera.” Era yaakoba Yoshua ati: “Bona eno, nkutoireku ebibi byo byonabyona, era nja kukuvaaza ebivaalo eby'ekitiibwa.”

Luka 15:22

Aye ise yaakoba abagheereza be ati, ‘Muleete mangu ekivaalo ekisinga bukalamu mumuvaaze, mumuteeku empeta ku ngalo, mumuvaaze n'engaito.