2 Bakyabazinga 25:21 - Baibuli Ekibono kya Katonda 2014

²¹ mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

2 Bakyabazinga 25:21 ပူးပေါင်းရင်းမြစ်များ

1 Bakyabazinga 8:46

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 23:27

Musengwa Katonda yaakoba ati: “Ndidha kubinga Buyudaaya mu maiso gange, ng'oti bwe nabinga Isiraeli. Ndidha kulekulira agho ekibuga kino Yerusalemu kye nalondamu, era ndekulire agho n'eisinzizo lye nakoba nti mwe banansinzizanga.”

2 Bakyabazinga 24:15

Kyabazinga w'e Babilonia yaatwala Yehoiakini e Babilonia ghalala n'inhina, ni bakazi be, n'abakungu be, n'abantu abakologho mu Buyudaaya. Yabatoola e Yerusalemu, yaabatwala e Babilonia nga basibe.

Yeremia 16:13

Kyenva ndidha okubatoola mu nsi eno, mbasuule mu nsi imwe beene ni badhaadha baimwe ye mutawulirangaku naire. Eyo ye mwidha okubanga nga mugheereza bakatonda ab'amaghanga agandi omusana n'obwire. Era tija kubagemerwanga kivunika naire.’

Yeremia 52:27

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

Okulira 4:16

Musengwa mwene yabasansaania, nga takaabafaaku, nga takaata mu bakabona kitiisa, era nga takaagemerwa bakulembeze kivunika.

Ezekieli 24:14

Nze Musengwa Katonda mwene, ninze nkobye. Era ekyo ndikikola naakituukiriza. Tiriira inhuma, tirisaasira era tiryeidhusa naire. Ndikusalira omusango nga njiira ku mpisa dho ni ku bikolwa byo.” Musengwa Katonda atyo bw'akoba.

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

Amateeka Agokubiri 29:27

Musengwa Katonda oyo kyeyava n'asungughalira ensi eno, n'agireetaku ebikolimo byonabyona ebighandiikiibwa mu kitabo kino.

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.