2 Bakyabazinga 25:18 - Baibuli Ekibono kya Katonda 2014

¹⁸ Nebuzaradani era yaagema Seraia Kabona Omukulu, ni Zefania kabona amwiririra, n'abakuumi b'omulyango ogwingira mu isinzizo abasatu.

2 Bakyabazinga 25:18 ပူးပေါင်းရင်းမြစ်များ

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

1 Ebyomubyanda 6:14

Azaria yaazaala Seraia, Seraia yaazaala Yehozadaki,

Ezera 7:1

Ebyo bwe byawa, mu biseera kyabazinga Arutazerizesi bye yafugiramu Perusia, ghaabaagho omusaadha ng'eriina lye ni Ezera era nga mutabane wa Seraia, Seraia oyo yaaba mutabane wa Azaria, Azaria oyo yaaba mutabane wa Hilikia,

Yeremia 20:1

Agho Pashuhuri kabona mutabane wa Immeri, era eyakuliranga eisinzizo, bwe yawulira nga ndi kulangirira ebintu ebyo ku kibuga Yerusalemu,

Yeremia 21:1

Agho Zedekia kyabazinga wa Buyudaaya yaatuma ye ndi Pashuhuri mutabane wa Malakia ni Zefania kabona mutabane wa Maaseia, ng'akoba ati:

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 29:25

Musengwa Katonda Afuga Amagye, Katonda wa Isiraeli, akoba ati: Waghandiika embaluwa ku bubwo iwe mwene, waadhigheereza eri abantu boonaboona mu Yerusalemu, n'eri Zefania kabona mutabane wa Maaseia, n'eri bakabona abandi boonaboona, nga dhikoba dhiti,

Yeremia 29:29

Zefania yansomera embaluwa eyo,

Yeremia 34:21

Era ndighaayo kyabazinga Zedekia owa Buyudaaya n'abakungu be mu ngalo dh'abazigu baibwe abenda okubaita. Ndibaghaayo eri eigye lya Babilonia, waire nga lyalekera okubalumba.

Yeremia 52:24

Nebuzaradani omuduumizi w'abakuumi ba kyabazinga w'e Babilonia, era yaagema Seraia Kabona Omukulu, ni Zefania kabona amwiririra, n'abakuumi b'omulyango ogwingira mu isinzizo abasatu.

Ezekieli 11:7

“Kale nze Musengwa Katonda kyenva nkoba nti ekibuga kino n'ensaka, era abantu be mutirimbula ni mubaleka omwo nga bagwire, n'emamba. Aye imwe ndibabinga naabafulumya mu kibuga kino.

Zekaria 6:10

“Toola ebirabo ebigheereibwayo Heledai ni Tobiya ni Yedaia, abaakaira okuva e Babiloni mu bunhage, omale oje olunaku lwene olwo mu ndhu ya Yosia mutabane wa Zefania.