2 Bakyabazinga 25:11 - Baibuli Ekibono kya Katonda 2014

¹¹ Agho Nebuzaradani oyo yaabatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

2 Bakyabazinga 25:11 ပူးပေါင်းရင်းမြစ်များ

2 Ebyomubyanda 36:20

Yaatoola abo abaawonagho mu lutalo, yaabatwala e Babilonia. Baabanga eyo nga bamugheereza era baamala baagheereza n'abaamwiririra ng'aviiregho, okutuusa obwakyabazinga obw'e Perusia bwe bwaidhagho.

Ezera 2:1

Gano n'amaina ag'abantu ab'omu kiketezo eky'e Buyudaaya abaira okuva mu nsi Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

Zabbuli 144:14

n'ente dhaife dhaazaalagana aghazira kusondhola oba okufiisa. N'ebibuga byaife byona bigwananga byaloba kulumbibwa bazigu, enguudo dhaamu dhaabulamu enduulu n'okulira.

Yeremia 32:28

Nja kugha kyabazinga Nebukadinezzari ow'e Babilonia n'eigye lye, ekibuga kino bakigeme.

Yeremia 39:9

Agho Nebuzaradani omukulu w'abaisirukale Abababilonia yaatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

Yeremia 52:12

Ku lunaku olweikumi mu mwezi ogwokutaanu, mu mwaka ogweikumi n'omwenda (19) nga kyabazinga Nebukadinezzari n'afuga Babilonia, omukungu akulira abakuumi ba kyabazinga w'e Babilonia ayetebwa Nebuzaradani, yaidha e Yerusalemu.

Yeremia 52:15

Agho Nebuzaradani oyo yaabatwala e Babilonia mu bunhage, abandi ku bantu abaali abaavu einho, nabo abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abo abaali abakugu mu mirimo egy'endhawulo.

Yeremia 52:30

Mu mwaka gwe ogwamakumi abiri n'esatu (23) yatwala abantu lusanvu n'ana na bataanu (745), abo nga Nebuzaradani omuduumizi w'abakuumi ba kyabazinga w'e Babilonia, n'eyabatwala. Okugaitamu baaba abantu enkumi ina na lukaaga (4,600) abaatwalibwa mu bunhage.

Ezekieli 12:11

Bakobe oti ekyo ky'okoze n'akamanhiso k'ebyo ebija okubatuukaku. Balibabinga ewaibwe, baaja mu bunhage.

Ezekieli 17:21

Abaisirukale be abasinga kulwana baliitirwa mu lutalo, ate abalirumuka ni bawonagho baasansaanira mu ndhuyi dhoonadhoona. Olwo mulimanha nga nze Musengwa Katonda ninze ndhogeire.”

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.