2 Bakyabazinga 25:1 - Baibuli Ekibono kya Katonda 2014

¹ Ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari ow'e Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo ey'eitaka ey'okuniiniraku okukirwanisa.

2 Bakyabazinga 25:1 ပူးပေါင်းရင်းမြစ်များ

2 Bakyabazinga 24:1

Yehoiakimu bweyali nga ni kyabazinga, ghaabaagho kyabazinga Nebukadinezzari ow'e Babilonia yaalumba Buyudaaya. Yehoiakimu yaakakibwa okufuuka omugheereza we okumala entangama ya myaka esatu. Aye yaamala yaamwefuulaku, yaamudheemera.

2 Bakyabazinga 24:10

Mu biseera ebyo, eigye lya kyabazinga Nebukadinezzari ow'e Babilonia lyaidha e Yerusalemu, lyazingiza ekibuga okukyezunguluza.

2 Bakyabazinga 25:2

Kyasigala nga bakizingiiza batyo okutuusa mu mwaka ogweikumi n'omulala (11) nga Zedekia n'afuga Buyudaaya.

2 Bakyabazinga 25:8

Ku lunaku olwomusanvu, mu mwezi ogwokutaanu, mu mwaka ogweikumi n'omwenda (19) nga kyabazinga Nebukadinezzari n'afuga Babilonia, omukungu akulira abakuumi ba kyabazinga w'e Babilonia ayetebwa Nebuzaradani, yaidha e Yerusalemu.

1 Ebyomubyanda 6:15

Yehozadaki oyo yeena baamutwala mu bunhage, Musengwa Katonda bwe yatwala ab'omu Buyudaaya n'ab'omu Yerusalemu mu bunhage ng'akozesa Nebukadinezzari.

2 Ebyomubyanda 36:11

Zedekia yali agheza emyaka abiri na mulala egy'obukulu ghe yafuukira kyabazinga. Era yaafugira entangama ya myaka ikumi na mulala mu Yerusalemu.

Isaia 29:3

Ndikisimbaku weema dhange okukyezunguluza, naakizingiza n'ebituuti ebirengererwaku, era naakibungaku emungo y'eitaka ey'okuniiniraku okukirwanisa.

Yeremia 21:2

“Nkweghembye twogerereyo eri Musengwa Katonda, kuba kyabazinga Nebukadinezzari ow'e Babilonia atulumbye n'eigye lye okutulwanisa. Oba katyo Musengwa Katonda anaatukolera ekyewuunhisa, yaamwiririzaayo.”

Yeremia 27:8

“Aye eighanga lyonalyona oba obwakyabazinga, abaliroba okufugibwa Nebukadinezzari, ni baloba okugonda ng'oti n'ensolo bw'egonda n'evaala mu nkoto ekikoligo kya musengwa waayo, ndibabonereza nga mbazikiriza mu ntalo era nga mbasindikira endhala n'endwaire ya kawumpuli bibaite, okutuusa lwe ndireetera Nebukadinezzari oyo okubasaanizaagho irala.

Yeremia 32:1

Musengwa Katonda yayogera ninze mu mwaka ogweikumi (10) nga Zedekia ni kyabazinga wa Buyudaaya, era ng'ogwo n'ogwali omwaka ogweikumi n'omunaana (18) nga Nebukadinezzari ni kyabazinga wa Babilonia.

Yeremia 32:2

Mu kiseera ekyo, eigye erya kyabazinga w'e Babilonia lyali lirumbye Yerusalemu, nga likizingiiza okukyezunguluza. Era nga nze bansibiire mu luya lw'ekisaagaati kya kyabazinga.

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 32:28

Nja kugha kyabazinga Nebukadinezzari ow'e Babilonia n'eigye lye, ekibuga kino bakigeme.

Yeremia 4:17

Balizingizanga Yerusalemu okukyezunguluza, ng'oti n'abakuuma enimiro bwe bakola, kuba abantu baamu bandheemera. Nze Musengwa Katonda, ninze nkobye.

Yeremia 43:10

Memale obakobe oti nze Musengwa Katonda Afuga Amagye, Katonda wa Isiraeli, ndyetesa ghano omugheereza wange Nebukadinezzari kyabazinga ow'e Babilonia. Yaidha yaata ekityamo kye eky'obwakyabazinga ghano ku mabaale gano ge nziise, era yaagasimbaku ni weema ye ey'obwakyabazinga.

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yeremia 51:34

Kyabazinga Nebukadinezzari ow'e Babilonia yasalasala ekibuga Yerusalemu yaakirya. Yaakimalamu ebintu, kyasigala nga kikaya ng'oti n'ensugha ye bavudhumwiremu amaadhi. Yaaba ng'oti n'ogusota ogw'omu nhandha, yaakimira. Yaatwala buli kye yeerobozaamu, ebyasigalagho yaasuula ere.

Yeremia 52:1

Zedekia yali agheza emyaka abiri na mulala egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Inhina nga ni Hamutali, mughala wa Yeremia ow'e Libuna.

Yeremia 6:3

Abafuzi balikirumba n'amagye gaibwe, nga bali ng'oti baayi abaidha n'ebyayo byaibwe. Balisimba weema dhaibwe okwezunguluza ekibuga ekyo, buli muntu yaata amagye ge mu kifo kye, nga gali ng'oti ntaama edhiri mu byayiro.

Ezekieli 21:14

“Kale, iwe omuntu langa, okube mu ngalo empiima eidhe eteme emikuzi ebiri, kabiri eteme n'ogwokusatu. Eyo n'empiima ebazingiiza okubatirimbula mu bungi.

Ezekieli 26:7

Era Musengwa Katonda akoba ati: “Bona, ndireeta Nebukadinezzari kyabazinga ow'e Babilonia, kyabazinga asinga mu bakyabazinga boonaboona. Aliidha yaalumba Tiro ng'aviira ku luuyi olw'omukono omugooda olw'e buvandhuba, ng'ali n'eigye einene inho, eririmu embalaasi, n'ebigaali eby'omu lutalo, n'abaisirukale ab'oku mbalaasi.

Ezekieli 40:1

Lwali lunaku lwa ikumi mu mwaka nga gwakatoolera, omwaka ogwamakumi abiri n'etaanu (25) nga tuli mu bunhage, era nga n'ogwali omwaka ogweikumi n'ena (14) kasookanga abazigu bagema Yerusalemu. Ku lunaku olwo naawulira mule ng'amaani ga Musengwa Katonda gandidhieku.

Zekaria 8:19

“Okusiiba kwaimwe okw'omu mwezi ogwokuna, n'okw'omu gwokutaanu, n'okw'omu gwomusanvu, n'okw'omu gweikumi, kulifuukamu biseera bya masanhu na kusagamba eri ab'eighanga Buyudaaya nga bali mu bibinuko. Agho ni mugwaine mugonzenga okukolerera amazima n'emiraala.”

Amateeka Agokubiri 28:52

Balibazingiza mu bibuga byaimwe byonabyona okubyezunguluza, mu nsi Musengwa Katonda waimwe y'ali kubagha. Balibazingiza mu bibuga byaimwe ebyo, okutuusa ebimante byaimwe ebibyezungulwire ebigumu era bigulumivu bye mwesiga, lwe birigwa.